Page 12 - WEB

Parlamentario Marlon Sneek (AVP) – Bufete Di Papa

Ta Cobrando Pa Manda Whatsapp Y Manda E-Mail

 Local
- 12/11/2019

Documentonan a cuminsa drenta relaciona cu e forma con Gabinete Wever Croes ta
funcionando y lider di fraccion di AVP, sr. Marlon Sneek a mustra cu nan postbusnan a
bin haya algun documento cu sigur ta importante pa pasa riba esakinan.

“Ora cu mi persona a dirigi algun pregunta na Prome Minister si su persona ta na altura
di, den e caso aki di bufete di su tata, cual ta su bufete tambe, ya cu tin documento cu ta
mustra cu su persona ta share holder den e bufete aki, sigur un Prome Minister cu ta papia
di transparencia, awe nos por mira con su bufete ta strika placa bon di diferente
departamento y instancianan cu ta cay bou di maneho di e Prome Minister.

Pa nos esaki ta un tristesa ya cu nos a kere cu e Prome Minister aki enberdad lo ‘walk su
talk’ manera cu e mes ta bisa continuamente, bisando cu pa su persona integridad ta haci
lo corecto hasta ora cu ningun hende ta mira, pero nos por mira cu esaki no ta tumando
lugar cerca su persona.

Nos ta duda cu na Aruba no tin ningun otro bufete di abogado cu lo por atende cu
cualkier caso pa Gobierno cu no ta e bufete di Croes-Wever-Ruiz, cu lo t’e unico cu por
haci e trabou aki pa Gobierno.