Page 2 - AWEMAINTA
P. 2
2 AWEMainta Diahuebs, 7 November 2019
Curpa sin bida haya den laman na Savaneta
AYERA diaranson despues di merdia pa
12:38, Central di Polis ta wordo notifica cu un
rato pasa lo a topa cu un curpa sin bida den
lama na Savaneta.
Central ta manda patruya di Polis inmediata-
mente n’e sitio. Patruya ta yega y enberdad ta
haya e curpa di un señora anciana.
Polis Tecnico a presenta p’asina haci nan in-
vestigacion necesario. Pa 13:55 dr. Texier ta
constata morto di señora R.W. naci na Aruba
di 75 aña. Probablemente e señora a hoga.
E anciana ta hospeda na Huize MariStella,
unda e personal a reconoce e victima.
Tin tur indicacion cu e anciana aki, lo mester
a cay y hoga.
Presente tabata miembronan di Cuerpo di
Bombero pa duna un man pa saca e curpa for
di laman.
Por a compronde cu e señora lo tabata kedando
ey banda mes. Slachtofferhulp a presenta pa
asina brinda asistencia n’e famia.
Nos di Cuerpo Policialy AWEMainta ta manda
palabra di condolencia na famia di e fayecida.
