Page 49 - UTILITIES

Nan por haci mesun cos cu e refineria di Aruba? Esey tabata e pregunta pa nos prome
mandatario.

E dignatario a declara cu naturalmente esaki ta un tema cu tin gobierno di Aruba hopi

ocupa y preocupa. No pa e tema di ConocoPhillips mes door cu Aruba a scapa, pasobra
nan a purba di embarga na Aruba tambe, pero danki cu e nos refineria no ta di PDVSA
ni di Citgo nan no a logra.

Nan a purba embarga locual ta yega hopi cerca di dje, cu ta e contenido y e tanki di
Citgo pasobra nan a bisa cu loke ta di Citgo ta di PDVSA, pero Huez a dicta cu esey no
ta e caso, y pesey Aruba a scapa di dje, y nan mester a lanta embargo bek.

E dignatario a splica cu Aruba ta diferente cu Curacao y Bonaire. Pero tin companianan
cu ta busca di haya loke nan ta sinti cu ta toca nan, y si nan no haye na cas nan ta
buske otro caminda.

E mandatario a anticipa cu Aruba por spera cu mas compania den futuro lo kier pone un
of otro embargo, y gobierno ta haya su mes ta deal cu esaki.

Pesey Prome Minister a pidi RDA (Refineria di Aruba) pa traha un plan di contingencia,

con pa Aruba prepara su mes e tipo di cosnan asina.

El a splica cu e diferencia grandi entre Aruba y Curacao, ta cu Citgo no tin propiedad na
Aruba. Citgo ta huur algo cu ta propiedad di otronan.

Na Curacao PDVSA ta doño y e ora ey nan por confronta cu hopi mas problema. E no ta
kita afo si, cu nos no ta core riesgo cu un carga di fuel of gasoline, otro hende por bin
bisa cu nan ta di dje, anto tume y bisa nos wak con boso ta haci cu esey.

E mandatario a expresa cu Aruba no kier esey. El agrega cu Aruba tin diferente
suppliers y refineria di Aruba ta esun cu ta cumpra e fuel di companianan di Citgo y tin
biaha di otronan. Y si ta di otronan no tin e problema y esey ta e plan di contingencia

pa evita cu nos ta cay den situacionnan asina.

Pesey gobierno ta tuma e medidanan necesario pa no afecta nos pais mas cu e ta
afecta caba.