Page 76 - MIN JUS

Dos detencion despues cu tiro a cay: Hopi droga cu balansa y
ocho cellular den intento fracasa na KIA

Sunday, 23 July 2017 21:26
1

Comparti

Awor cu tin hende constant den schiet toren di KIA y tambe camaranan nobo nobo na KIA paden y pafo,
situacion no ta facil pa purba tira cos den prison na Santo di Patia.
Diadomingo na lugar di bay Misa, Dos persona hoben a wordo baha pariba di KIA banda di e shietpost
tres. Eynan nan a yega cerca di e cura. A kibra e waya y logra drenta tereno priva di KIA. Dimes nan no ta
yega den prison pero nan intencion tabata pa tira droga. Algun dia pasa a purba caba pero ora a descubri,
nan a core bay cu rugtas yen riba lomba. E biaha aki e hoben fam Enser y un damita a purba. Nan a logra
yega na e cura y benta ocho cellular y tres bala cu basta droga over di e cura. Unda a tira e droga no ta un
area cu presonan por yega tampoco pero nan lo haci intento pa purba yega. Ademas di droga tamanjo di
tres bala di softball, tabata tin griner y balanza. Un negoshi completo den KIA. Tambe a tuma nota cu a
haya varios charger pa asina carga e telefonnan den prison. E celularnan tabata Samsung y Blue. Ora cu a
mira e pareha benta cos den KIA a los tiro. Nan a cuminsa core y no a pasa mesun caminda cu nan a bin.
Den e coremento a bay bula for di e barancanan. E muher a cay herida su mes. E homber tambe a cay
fractura pia dos caminda y tambe su pols. E hoben aki fam Enser a keda herida. Awor e ta interna. E
tabata sera caba den jeugd detentie na KIA y algun tempo pasa a Sali. E ta menor di edad. Den un
situacion asina claramente bo ta mira cu ta manda nan ta. E auto cu a bahanan a huy bay laganan atras.
Pa placa otronan mas adulto cu mente criminal ta manda e hoben aki bay risca su bida y hera haya tiro.
Den su huida tiro a cay for di schietpost y bulando di baranca a herida su mes malamente. Hasta nan a
cay den e matanan di druif y keda benta eynan. Refuerzo cu SUV a Sali mesora for di KIA mes pa e sitio
pafo di KIA. Eynan guardianan di KIA a bin topa cu ambos persona benta. Polis a bin y bay cu nan warda.
Tremendo trabou di e personal di KIA cu ta atento tur momento. E personal den shietpost y camara
room full nobo ekipa ta motibo cu a pone man riba e pareha aki. Den otro razzianan constant ta haya
droga cu telefon den KIA. E sospechonan ta diferente y un di e sospechonan a keda confirma cu e
detencion aki. Awor mester bay press ambos pa asina nan splica pa ken y cuanto a wordo paga pa comete
un acto asina. Haci fabor pa criminalnan y hera perde bo bida. Awor bo mes ta benta den hospital cu tres
fractura y e criminal mes ta cana rond. Polisnan despues a tuma over y cuerpo tecnico a bin investiga y
tuma tur loke a wordo tira den KIA den beslag.