Page 77 - MIN JUS

Douane a gara DJ Jarick Farro cu tres paki grandi di Coca
saliendo pa Canada

Sunday, 23 July 2017 13:42
1

Comparti

Douane na Airport tin wowo tur caminda y ta coba tur caminda ora tin hende cu kier sali cu droga of cosnan illegal
pa otro pais for di Aruba.

Jarick Farro ta un di nan. E ta un conocido DJ di profesion cu ta registra na un adres den Hooiberg. E ta toca hopi
den e area di Clubnan Nocturno banda di Hotelnan High Rise. Den fin di siman cu a pasa e tambe kier tabata parti di
e network di hiba droga afo. E destinacion Canada ta un ruta masha popular ultimo lunanan y ta basta hende a cay
sera tambe pa purba saca droga. Local y no local a cay sera. Autoridad ta haya cu tin hasta a perde gevoel pasobra ta
kere cu sin mas e droga lo pasa bay. Den maleta pasando control e cacho di Douane a reacciona. Ora a bay haci e
control a topa cu e tres pakinan di Coca den e maleta di DJ Jarick Farro. Douane a detene y asina procesa tur
documento. Djey a entrega e maleta cu droga y e sospechoso Jayrick Farro na autoridad di Departamento di Droga di
Cuerpo Policial. Autoridad a confirma tambe cu den pasado a yega di gara su tata cu droga. Kiermen pa e famia e no
ta algo nobo segun e miembro di autoridad cu a informa y confirma e detencion. Sigur un tremendo trabou di
Douane den e caso aki. Pronto lo poneman tambe riba esnan local cu ta e cabez y autoridad Mericano tambe lo pone
man riba esnan na Merca cu ta ricibi e droga. Na Canada tin un grupo cu ta forma parti di e red di droga hunto cu
esnan di Aruba.