Page 8 - awem sept 21

8 AWEMainta Dialuna, 21 September 2015
Partido MEP ta anfitrion p’e E fin di siman aki lo ta uno sumamente importante pa
Conferencia di COPPPAL e fin
di siman aki na Aruba
partido MEP, ya cu lo bay tin dos actividad grandi cu
ta trece tanto partido MEP como pais Aruba den un luz
positivo, esta e Congreso pa eleccion di lider di MEP y
e conferencia di COPPPAL (Conferencia Permanente
de Partidos Politicos de America Latina y Caribe) y di
cual partido MEP tambe ta miembro y co-fundador y
cu Libertador Betico Croes como co-firmante di e or-
ganisacion aki.
Alavez COPPPAL ta un organisacion cu tabata suma-
mente importante den e lucha di nos pais pa su autode-
terminacion y su Status Aparte.
E cantidad di partidonan politico cu ta miembro di
COPPPAL ta 62 y for di 28 pais di America Latina y
Caribe.
Agenda 26 september
Manera ta conoci caba e conferencia di COPPPAL lo
tuma lugar e aña aki na Aruba. Pues partido MEP ta an-
fitrion di e conferencia aki, caminda varios delegado di
varios pais di America Latina y Caribe lo cuminsa yega
Aruba for di dia di 25 september 2015 caba.
Rib’e prome anochi lo tin oportunidad p’e delegadonan
inscribi p’e conferencia aki y e inauguracion oficial mes
lo ta su dia siguiente, esta dia 26 di September 2015.
E temanan cu lo ser trata riba e prome dia di e conferen-
cia ta Migracion, Status Politico di e Paisnan y Islanan,
Trato y Trafico di Muhernan, Consecuencianan p’e
hende muher debi na migracion masculino y paridad
entre hende homber y hende muher den actividadnan
politico.
Ta bon pa menciona cu na
October 2011 Lider di MEP sra.
Evelyn Wever-Croes ya a participa
na un Seminario Mecanismo de
Mujeres de COPPPAL na Argentina.
Agenda 27 september
Rib’e di dos dia di conferencia di COPPPAL, esta dia 27
di September 2015 lo tin e conclusionnan, temanan
general, lectura di documento final y clausura.
Despues di esaki e delegadonan internacional lo ta
presente tambe durante e Congreso di MEP den Cas di
Cultura.
E conferencia di COPPPAL mes lo tuma lugar na Holi-
day Inn Hotel y ta exclusivamente p’e delegadonan
internacional y naturalmente p’e delegadonan di MEP
kendenan tambe lo haci nan presentacionnan durante
e conferencia.
Partido MEP ta hopi bon prepara y siguramente durante
e conferencia aki lo trece padilanti tambe e preocupacion
di nos partido pa loke t’e minamento di nos autonomia
durante e ultimo lunanan aki.
Partido MEP ta desea tur e delegadonan internacional un
bon bini na Aruba y ta spera cu e conferencia di COPPPAL
lo resulta sumamente exitoso.