Page 46 - AVP

ORANJESTAD (AAN) — Gobierno anterior a introduci un hospital nobo na Aruba na
momento cu ciencia a drenta un etapa nobo.

E sistema di computer di e hospital mester a haya inversion grandi pa su proteccion no

solamente pa e caracter secreto di informacion di pashent.

Sistemanan computerisa ta importante pa diagnosis na tempo y cura di
enfermedadnan. Hasta tin programa pa anuncia si un persona por haya cancer di pecho

den futuro.

Ta conoci cu tin mas programa cu por uza informacionnan pa establece si un persona
por bira diabetico por ehempel, aunke den testnan ainda esaki no ta visibel.

E fayo grandi den e hospital nobo na Aruba no ta solamente cu a lubida di planea un
sala di operacion ni cu a instala un generator di Diesel den e planta.

E fayo di mas grandi den Hospital tabata cu no a atende cu e peliger grandi cu por a
presenta cu sabotahe di e sistema computerisa na cual a conecta henter sistema
medico na Aruba.

Na hopi ocasion DIARIO a mustra riba e mal planificacion ora gobierno Mike Eman a
introduci e hospital nobo di Aruba cu ta pone cu durante e proximo 29 añanan, Aruba
mester paga un suma di mas cu 600 Miyon Florin (te awor) na huur.

Mas 200 Miyon a hinca den construccion di e hospital pero no a presta atencion na e
funcionamento di informacion cu tabata exigi computerisacion den e epoca moderno.

E falta di proteccion di e sistema computerisa a causa e sabotahe. Informacionnan cu

DIARIO tin na e momentonan aki, ta duna prueba di informacionnan cu ta alcansa
mundo riba e importancia di sistemanan computerisa pa salba bida humano.

Den e presentacionnan aki cu ta capta atencion mundial, ta wordo splica con ciencia

awor ta capaz pa a base di acumulacion di Miles di test den computer determina si un
persona den futuro por bira victima di entre otro cancer na pecho.