Page 47 - AVP

Regina Barzeley a haya cancer na pecho. E no a keda satisfecho cu e motibo pa cual
dokternan a faya den nan diagnosis cu e tin cancer.

A base di su informacionnan dokter Connie Lehman na Boston, Merca, a diseña un

sistema cu ta duna informacion si un persona por haya cancer na pecho den futuro.

Pues no ta diagnostica cu e hende tin cancer pero ta hasta determina si den futuro e lo
haya cancer na pecho.

Pa por realisa e test aki ta hinca Miles di Mammogram y otro testnan den e sistema di
computer, cu ta mustra si e persona den cinco aña por ehempel por haya cancer.

Inteligencia Artificial, uzo di metodonan di computer, no ta algo di awe. Acumulacion di
informacion riba computer ta sumamente importante y ta duna resultado cu mente
humano no por produci.

Segun informacionnan cu DIARIO ta ricibi e hecho cu e sistema di computer a wordo
destrui dor di sabotahe sigur ta un calamidad den un epoca cu tecnologia lo bay
culmina y henter mundo ta adapta na e era di tecnologia cu no por sin conexion di
computer y internet.

Gabinete Eman no a haci e trabounan cu mester a haci pa Aruba por a enfrenta e
necesidadnan di tempo moderno.

DIARIO lo habri paso pa informacionnan con futuro di Aruba ta wordo afecta pa mal
planificacion di pasado y falta di inversionnan cu gobierno anterior mester a haci cu
placa di pueblo.

https://www.diario.aw/2019/12/test-di-computer-ta-pronostica-cancer-na-pecho/