Page 4 - AM200323

4 AWEMainta Dialuna, 23 Maart 2020

Hoben sordomudo lora den

deken drumi banda di caminda

DIASABRA marduga polis a bay ariba e caminda di
Marawiel cu ta sigui pa Kuriburi, pa un persona drumi

canto di caminda.
Na yegada di polis for di leu nan por a mira algo blanco.

Yegando mas cerca nan a nota cu ta un persona lora den
un laken blanco y cu un cusinchi, y e tawata mustra basta

confortabel. Hunto cun’e e tawata tin su tas.
Polisnan mesora a reconoce, ta un hoben biba na Paradera

y segun polis e ta sordo mudo.
Polisnan a splik’e un ke otro y cu e no por drumi banda di

caminda door cu e ta peligroso.
E lo a compronde y a lanta coy su clechi y cuminsa cana bay

direccion pariba. Por a mira tambe cu e hoben no tawata
tin sapato bisti tampoco.

Segun nos a compronde, mas trempan polis a haye drumi
na Ayo Rock Formation y nan mester a bise pa e move tam-

be. Loke ta pasando segun nos por a compronde ta cu e
hoben aki lo tin un of otro problema cu un di su mayornan.

Esaki a pone cu e hoben lo a rabia y bay for di cas.
Posiblemente e lo por ta sufri tambe di un problema emo-

cional cu sigur elo mester haya debido ayudo pe.
Ban spera cu e informacion aki por yega na e instancianan

concerni pa asina yega na un solucion.