Page 8 - AM200323

8 AWEMainta Dialuna, 23 Maart 2020

A haya un persona riba suela den Braziliestraat na Playa

UN bisiña den becindario di Braziliestraat
a pidi asistencia di Polis pa un persona riba

suela band’i su cas. Tabata diabierna aproxi-
madamente 8:20 di anochi e señora Hulandes

aki tabata canando den becindario di Bon Dia

Aruba y pa un motibo of otro no por a coordina
su pasonan bon, y a cay y keda tira abou.

Un bisiña a yama ambulance mesora pa bin

atende e señora cu a cay y sigura cu e no a
fractura of haya mal golpi.

Polis tambe a presenta n’e sitio pa wak kico a
pasa y a percata cu e señora tabata papia un

poco bruha. Ta sospecha cu e lo por tabata bou
di influencia di alcohol. Pero e señora a keda

n’e sitio y un rato despues a opta p’e mes cana

bay su cas.

Ministro encarga cu Salubridad ta anuncia cu entrante 24 maart 2020
durante 14 dia lo tin oportunidad pa un y tur tuma conocemento na
Departamento di Legislacion y Asunto Huridico, Schotlandstraat 53,
di un peticion cu a ser haci pa obtene un koffiehuis- y un restaurantver-
gunning A pa e parcela J.E. Irausquin Boulevard 384-A, lokaal 14.
E permisonan aki ta concerni e.o. benta di bebida sterki por detal y
cuminda pa wordo consumi den e parcela. Durante dicho periodo aki
tur hende por expresa por escrito nan obheccion contra dunamento di
e permisonan menciona, dirigi na e Ministro encarga cu Salubridad,
via intermediacion di Director di Departamento di Legislacion y Asunto
Huridico, Schotlandstraat 53.