Page 19 - AM200422
P. 19
Diaranson, 22 April 2020 AWEMainta 19
Malvadonan di Mabon Kavel a cende cas
na candela pega di post di Polis bandona
PASA di mey anochi unidad di Polis a bay cu urgencia di-
rección di Mabon Kavel. A drenta información cu tin un Post
di Polis na candela.
E Post di Polis te cu awe no a funciona después cu Minis-
ter Andin Bikker a re-inaugura esaki cu varios colega pre-
sente y mas cu 60 Polis uniforma.
E biaha aki madruga ta tur unidad riba caya a drenta Ma-
bon Kavel. A reuni y sali hunto pa evita confrontación con-
tra un solo patruya di Polis. Ora a yega a haya e habitante
di e cas pega cu e Post di Polis den acción cu awa pagando
candela.
E no sa ken a cende e candela. Mas bien el a splica Polis cu
e tabata drumi y djey a scucha un sonido fuerte y haya e
candela den su veranda. Cu emmer di awa a paga e candela.
E intención tabata pa cende e Post di Polis na candela, pero
e cos a bay robes. Un of dos ora prome na mesun sitio riba
caya a detene un persona pa Toque de Queda. No ta conoci
si ta un represaya esaki tabata.
Investigación a cuminsa n’e sitio y Cuerpo Tecnico di Polis
a ser avisa pa presenta n’e adres den Caya Butishi. Reac-
cionnan a drenta mesora di pueblo. Nan ta kere cu FCCA
por kita e post aki for di Polis y duna un hende p’asina e por
biba aden.
E caso aki a bira uno hopi serio, debi cu desconocinan a pone
un bari na porta di e cas obstaculisando e habitantenan di
sali ora e candela cuminsa. Danki Dios prome cu Brand-
weer a yega ya e candela a wordo paga.
Polis n’e sitio a pidi pa BFTO, debi cu lo tira un Molotov
Cocktail pa cende e candela. Esaki ta bay den direccion cu
esnan cu a haci esaki lo tawata desea algo sumamente malo
pa esnan bibando eybanda.
Autoridad lo tin cu haci un investigacion profundo di e caso
serio aki y trece dilanti kende(nan) ta esnan cu a comete
esaki. Nos ta sigur cu rapidamente autoridad lo sa di detene
e autor/nan di e candela aki.
Despues di henter un show di Minister Andin Bikker, Alan
Howell a haci cu reapertura die Post aki, awe por mira cu
e Post aki no tin coriente, no tin lus pafo y airconan a ser
horta.
Un warda drecha, pero awe tur destrui y bandona sin cu a
haci uso di dje. Placa di pueblo benta afo.
