Page 20 - UTILITIES

mainta trahadornan di N.V. Elmar a bay den un accion di protesta di un ora, sosteni pa
nan sindicato STA.
Motibo di e accion aki, segun splicacion di Diego de Cuba, Presidente di STA, ta pasobra
diamars mainta STA a reuni cu gerencia di Elmar den presencia di Mediador di
Gobierno, cu e meta pa firma un protocol.

Caminda gerencia di Elmar lo reconoce STA como e sindicato nobo cu ta representa e
trahadornan di e compania di distrui coriente. Pero e Director, Robert Henriquez y demas
miembronan di gerencia a haya ta bon pa no firma dicho protocol.
Y riba dje, diamars atardi, Robert Henriquez a haya ta bon pa suspende 3 miembro di
STA inhustamente. STA a laga sa cu esaki nan sigur no ta acepta mas.

Pesey ayera mainta, e trahadornan a bay den un accion di protesta na oficina di Elmar den
Wilhelminastraat, unda a dicidi di cuminsa cu un accion di firma, unda ta solicita retiro
inmediato di Robert Henriquez como Director di Elmar.

“Nos ta harta y fada p’e parti inhumano di e Director Robert Henriquez, kende a
demostra di no a capacita pa ta Director di Elmar. Tambe mi mester bisa cu ora nos a
repasa e CAO cu tin vigente aworaki, a descubri articulonan diabolico, caminda Elmar ta
papia di lo bay reorganisa e compania, pero nan tin tur intencion di bula cabez di algun
trahador. Y ningun trahador no tabata sa di e puntonan aki den nan CAO”, segun Diego
de Cuba.

Esaki tambe ta inaceptable y e unico manera pa habri e CAO aki for di otro, nos tin cu
bula cabez di Robert Henriquez, Director di Elmar. Pasobra asina aki STA sigur no por
continua. “Nos mester para su cabai y esaki t’e unico manera pa para su cabai”, segun
Diego de Cuba. Ta di spera cu e accion di firma, tur e miembronan di STA na Elmar sa di
sostene nan accion y cua Gobierno cu sinta lo haya nan cu e demanda aki den nan stoma.
Pasobra STA ni e miembronan di STA na Elmar no kier mira Robert Henriquez mas
como Director di Elmar.

Pasobra su parti dictatorial tin cu caba, Segun Diego de Cuba, el a atende cu masha
compania na Aruba, pero nunca a topa cu un persona asina arogante, manera Robert