Page 25 - UTILITIES

E unico manera pa habri e CAO aki for di otro, ta pa bula cabes di Sr.
Henriquez. Mester para e careda di Sr. Henriquez. E accion di firma aki, STA ta
spera cu tur hende firm’e. Ta cualkier gobierno cu sinta, lo bay hay’e den nan

stoma. STA y e trahadonan no kier e cabayero aki como director di Elmar. Nan
ta fada y harta di e situacion.

P’esey e trahadonan a bay den accion pa expresa nan malcontento, y tambe pa

recolecta e firmanan necesario pa informa gobierno cu te aki a yega cu Sr.
Henriquez.

E CAO tin algun articulo cu no ta na fabor di e trahadonan. A hinca un
reorganisacion den e contrato colectivo y bo no por scapa for di dje. Y unico

manera pa scapa for di dje, ta pa bula cabes di e director. Y e no kier sinta pa
delibera ariba e CAO aki. Tur hende sa cu den reorganisacion semper ta

cabesnan tin cu bay bula.

Nan a pasa den e situacion aki na Triple A NV, unda 80 persona a bay cas, sin
cu nan a paga loke nan mester a paga. Y STA no ta bay laga e historia aki ripiti.

Sr. Diego de Cuba a reitera cu nan no ta bay kita coriente, pero ta bisa bon cla,
pa no pone presion. Pasobra e ora ey nan tambe lo bay pone mas presion y
esaki lo haci dolor.STA no ta haci wega cu esaki, ya cu ta hopi tata y mama di

famia nan pan ta den wega akinan, segun Sr. Diego de Cuba, di sindicato STA.

http://masnoticia.com/diaranson-mainta-trahadonan-di-nv-elmar-a-tene-un-
accion-di-protesta/