Page 38 - Newspaper Clippings Min TTC Mrt 16, 2015

DIALUNA 16 MAART 2015 DIARIO PAGINA 11

Ta kita aspectonan negativo den Pastoor
Hendrikstraat pa dune un imagen positivo

ORANJESTAD (AAN): Gabinete Mike Eman I y II a ehecuta y ta
ehecutando diferente proyecto cu ta cumpli cu e vision pa logra un
Aruba bunita, hibando e embeyecemento den tur skina di e pais.

Den cuadro di esaki p.e. a drecha e caminda di Pastoor Hendrik-
straat y a pone klinkers, dunando henter e caya aki un cara com-
pletamente diferente. Na mesun momento a bin ta trahando den un
comision con pa atende cu cas y edificionan bandona cu ta forma un
mahos bista, no solamente na San Nicolas pero rond Aruba.

Den cuadro di e maneho aki, siman pasa Prome Minister Mike
Eman y su colega di Asuntonan Economico Mike de Meza tabata
den Pastoor Hendrikstraat unda a deshaci di un edificio decai cu
antes tabata un Lodge. E grupo di trabao “ontsierende gebouwen” a
worde instala na final di aña pasa y ta reuni cada dos siman. Esaki ta
un cooperacion entre departamento di diferente Ministerio, manera
City Inspector, DOW, DIP, Cadaster, y trahadonan directo di e Min-
isternan envolvi den desaroyo di proyectonan pa mehora producto
di barionan. Rubin Ponson, di DOW, ta e persona cu ta coordina e
trabao entre e Ministerionan.

E comision pues ta percura pa kita edificionan cu ta stroba e de-
saroyo di un bario. Prome Minister Eman, kende tabata presente na
momento cu tabata haciendo e area limpi, a splica cu Pastoor Hen-
drikstraat ta un area cu Gobierno a inverti hopi pa mehora calidad
di bida, pero tin edificionan hopi bieu di club of organizacionnan cu
no ta activo pa hopi aña, cu a causa cu e structura a sigui deteriora. E
edificionan bieu aki ta pone un mal imagen riba un bario bunita “ y
nos kier keda contribui cu nan door di kita e imagennan cu ta nega-
tivo”. E hecho cu a logra na basha e edificio bieu di Lodge abou, ta
un resultado positivo di e trabao cu e comision a bin ta haciendo.
Prome cu yega na e parti di basha un edificio bieu, ta acerca e doño
cu e peticion pa haci algo cu esaki pero tin caso cu e structura ta
asina decai cu no por haci nada otro cu bash’e abou. Tin caso cu
ta mas complica y ta trece cune un proceso mas largo pa averigua
kendenan ta e herederonan oficial. “Cu nos a logra haci e area aki
limpi ta hopi importante pa e habitantenan di Pastoor Hendrikstraat.
Awor tin un area cu a bira liber, cu por contribui den e plannan di
Minister de Meza pa reactiva San Nicolas. Cada aspecto cu haya un
contribucion positivo asina, ta yuda tambe na atrae mas inversion pa
San Nicolas y mehora e calidad di bida di nos ciudadanonan.”