Page 10 - AM240419

10 LOCAL AWEMainta Diabierna, 19 April 2024

Helicopter y avionnan nobo di

Wardacosta Caribe Hulandes ta operacional

ULTIMO añanan tras di lomba a traha duro

riba contractnan nobo pa e unidadnan aereo pa
Wardacosta Caribe Hulandes. Meta di a cera e
contractnan aki ta un proveedor di servicio confi-
abel pa Wardacosta y unidadnan aereo moderno,

ekipa cu hermentnan tecnologico cu ta yuda den
ehecucion di e tareanan di Wardacosta.

Na momento di cera e contractnan nobo e

unidadnan aereo a haya un modernisacion
amplio di medionan di comunicacion y sensor. E
medionan nobo ta entre otro: e sensornan nobo,
camaranan nobo pa anochi y di dia y otro ekip-

onan renoba pa utilisa na bordo. E materialnan
nobo ta masha adecua pa accionnan di rescate
riba lama, y tambe tareanan di investigacion y
supervision.

E helicopternan ta procedente di e compania

Bristow Helicopters Limited. Pa medio di e contract cu Bristow,
Wardacosta a sigura su capacidad di vuelonan cu e helicopter pa su
servicionan cu 10 aña. Pa loke ta trata e avionnan, Wardacosta a cera

un contract cu ISR, cu ta un cooperacion entre PAL Aerospace Ltd. y
e compania Hulandes Jetsupport. E contract aki tambe ta garantisa e
servicio di e avionnan pa un periodo di 10 aña.

Wardacosta Caribe Hulandes ta contento cu e contractnan nobo y e
recursonan abordo pa ehecucion di e tareanan di Wardacosta.