Page 13 - AM240419

Diabierna, 19 April 2024 AWEMainta INTERNACIONAL 13

E resistencia indigena contra e plannan di perforacion

petrolero Amazonico di Petrobras ta aumenta

BRASIL su ambicionnan pa saca probecho
di e reserva di petroleo grandi na su costa

nort ta enfrenta un reto formidabel, ya cu e
gruponan indigena ta opone ferozmente n’e
impulso di Petrobras pa perfora den e region
ecologicamente fragil di Amazonia. A pesar

di preocupacionnan economico y violacion
di derechonan indigena, Petrobras ta persisti
den su buskeda pa explora e area lucrativo di
Foz do Amazonas.

E enfrentamento ta intensifica mientras
Petrobras, apoya pa politiconan di peso, ta
busca pa anula e decision di Ibama pa nenga un

licencia di perforacion exploratorio. Presidente
Luiz Inácio Lula da Silva y Minister di Energia
Alexandre Silveira ta boga pa interes nacional,
mientras cu comunidadnan indigena ta mani-

festa bou di bandera di consulta previo, segun
e convencionnan internacional.

Liderando e crisis aki t’e Conseho de Caciques

del Pueblo Indigena De Oiapoque (ccpio), cu ta
representa mas di 60 pueblo indigena. Nan ta
exigi un stoel na mesa, enfocando nan derecho
pa evalua e posibel impacto di extraccion di

petroleo riba nan tera ancestral y formanan di
bida tradicional.

Mientras Petrobras ta trata na acelera e

perforacion, e resistencia indigena ta gana
impulso, apoya pa ambientalistanan cu ta
desconfia di e daño irreversibel n’e ecosiste-
manan di costa. E proceso di consulta, hunto

cu e demandanan di evaluacion integral di
impacto, ta menasa di retrasa un decision te
cu 2025, coincidiendo cu e cumbre climatico
fundamental di Brasil.

Cu e bataya aki, e destino di Amazonia ta colga
na un hilo, destacando e interaccion complica
entre desaroyo economico, conservacion di

medio ambiente y soberania indigena.
Segun cu tensionnan ta aumenta, Brasil
ta enfrenta e pregunta fundamental di cua
interesnan mester prevalece den e buskeda di

siguridad di energia y sostenibilidad di medio
ambiente.