Page 24 - AWEMAINTA
P. 24
24 AWEMainta Dialuna, 14 october 2019
Coro Santa Anna a organisa un anochi di gradicimento
na tur esnan cu a canta den Coro Nacional
pa celebra e fiesta na honor di nos Patrona stima, Santisima Virgen Mama Maria di Alto Vista
APESAR cu e aña aki e interes di
e coronan pa tuma parti den e Coro
Nacional na honor di nos Patrona
Mama Maria di Alto Vista, no tabata
grandi, manera cu ta custumber, tog
a logra forma un Coro Nacional cu ta-
bata sa di duna nos Mama Stima un
bunita serenata.
Tabata turno pa Parokia di Noord
organisa e celebracion grandi e aña
aki y Coro Santa Anna a tuma na su
encargo pa forma e Coro Nacional,
bao direcion di Mirto Tromp y Igmar
Maduro.
No tabata facil, pero tog a yega na
un cantidad cu un calidad hopi halto
y enberdad e Coro Nacional a ricibi
masha bon comentario di nan presen-
tacion.
Durante tur e trainingnan Coro San-
ta Anna tabata duna nan huesped-
nan un tremendo trato y siman pasa
como agradecimento nan a organisa
un cena di gradicimento pa tur kend-
enan a participa den e Coro Nacional.
Tur pariticipantenan a sinti hopi
contento p’e bunita gesto aki. Esaki
a haci tambe cu e participantenan,
kendenan a bira manera ruman di
otro a dicidi cu nan ta dispuesto pa
sigui como Coro Nacional, si acaso e
parokia cu ta na turno pa organisa e
celebracion otro aña, ta desea esaki.
Tabata un anochi di celebracion, debi
n’e gran exito cu e Coro Nacional, ape-
sar chikito, a sa di haci un tremendo
presentacion na honor di nos Patrona
stima. E lema di nan tabata, no t’e
cantidad ta conta, pero e calidad.
