Page 41 - MIN VOS MARCH 22,2016

30 AWEMainta Diamars, 22 Maart 2016

Aruba lo ta fuertemente
representa den e 5
edicion di e CARIFTA Chess
Championship na St. Croix

FIN DI luna awo e Federacion di Ajedrez di Aruba lo ta saliendo pa e isla

di St. Croix unda e di 5 edicion di e CARIFTA Chess Championship ta tuma
luga.

Esaki lo ta e dianan 24 pa 29 di maart proximo. Mester bisa cu Aruba
lo sali cu un delegacion fuerte y lo ta participando den e
categorianan di U-12, U-16 y U-20.
Pa loke ta nos representacion den e Carifta aki nos tin
den e categoria U-20, Annelaine Jacobs cu lo hunga den
e seccion femenino y Mark Bueno den absoluto.
Den e categoria U-16, Aruba lo competi solamente den
e absoluto esaki cu e hoben Brian Diaz.
Den e categoria U-12, nos ta haya dos
prospecto kendenan ta Ethan Croeze
y Thamara Sagastegui. Como lider di e
delegacion di Aruba lo biaha Raymundo
Dijkhoff.

Den e ultimo añanan e deporte di
ajedrez a conoce un crecemento enorme
principalmente bou di nos hobennan.
Mas y mas mucha a cuminsa practica
e deporte cu ta exigi un nivel halto
di concentracion y un conocemento
amplio di strategianan cu tin cu uza
constantemente durante di e wega.