Page 42 - MIN VOS MARCH 22,2016

AWEMainta Diamars, 22 Maart 2016 31

Beach Tennis no
ta considera un
hobby mas na
Aruba, sino un
deporte serio

YA NOS no mester introduci e deporte aki na Aruba, mirando

e cantidad di localnan cu ta participando entre dialuna y
diahuebs, caminda tin liga henter e aña. Asina mes, tur dialuna
por aprecia e damas y cabayeronan practicando beach tennis
na Tropicana den e categoria di singles, diamars ta “ladies
night”, diaranson bo ta haya mix doubles y diahuebs ta pa e
cabayeronan bataya entre nan.
Na final di cada liga tin ganado den cada categoria como
tambe na cada nivel cual nan ta: fun, intermedia, advanced
y tambe pro.

Banda di liganan tambe Aruba Beach Tennis ta organisa tur fin
di luna, un torneo riba Eagle Beach, cual ta valido pa e ranking
local como tambe pa e ranking mundial di cada hungado.
Ta bon pa informa cu Aruba su nomber ta ser menciona den e
top 100 den parti femenino y masculino. Esaki ta trece cu ne
cu localmente e deporta ta wordo practica mas seriamente,
mas y mas ta tuma les y ta haci lo posibel pa por biaha pa por
acumula mas punto of pa mantene bo ranking actual.

E weekend nos dilanti lo tuma luga e di dos ranking local. Den
februari, ENNIA tabata e sponsor principal pa e evento aki.
Ta anticipa un participacion grandi manera tur luna, ya cu e
meta ta pa fin di aña bo keda cu e titulo di “Queen or King of
the Beach 2016”.
Riba combinacion di potretnan por tuma nota di e ganado nan
di ranking tournament di e luna di februari 2016.

Na esnan cu ainda no a mira con ta practica e deporte aki, nos
ta warda boso na Tropicana Beach Tennis Club of na Eagle
diadomingo awo, 27 di maart 2016 cuminsando pa 10’or
mainta.
Pa mas informacion boso por bishita nos pagina di Facebook
of riba www.beachtennisaruba.com.