Page 68 - MIN VOS 20 OCT 2015

Medidanan preventivo ta reduci chens pa haya cancer cu
50%

Publication: Tuesday, 20 October 2015. Categoria: General

ORANJESTAD (AAN): Na clausura di e congreso multidisciplinario di hematologia y oncologia
na Aruba, Minister dr. Alex Schwengle a expresa hopi palabra di elogio pa e organizadornan cu a
provee sesionnan cu mas di 30 orador, incluyendo profesornan y specialistanan for di Merca,
Hulanda, y otro paisnan.
Minister Schwengle a bisa cu e congreso aki ta algo unico pa Caribe pa cu e forma cu el a worde
desaroya y e nivel haltisimo cu e tabatin.
El a splica cu e dos prome dianan tabata dirigi na specialistanan den e ramo di oncologia y
enfermedadnan di sanger, y e di tres dia a habri e congreso pa participacion di publico,
enfermeria y otro profesionnan den cuido di salud.
E ultimo dia tabata primeramente dirigi riba prevencion y screening pa deteccion tempran y,
consecuentemente, un chens mas grandi pa cura y sobrevivencia.
E mandatario a subraya cu e miho cos ta pa preveni cancer y esaki tin hopi di haci cu e persona
su lifestyle. El a comenta cu un bon lifestyle ta resulta den un reduccion di e chensnan pa haya
cancer cu 50%. No tin nada mas “kosteffectief” cu prevencion, segun e minister ta splica.