Page 15 - BNDIA ARUBA

A15
HENDE Diasabra 21 Maart 2020

Women’s Club of Aruba a rindi atributo na Jeanne Ecury

ORANJESTAD -Diasabra ultimo, Women’s Club of
Aruba (WCA) a tuma despedida di Johanna Mathea
Maria Ecury-Sijben, miho conoci como Jeanne Ecury.

Na 2012, Jeanne a wordo instala como miembro di WCA y
tabata un boluntario dedica, un miembro cu hopi pasion y
amor pa su trabou den comunidad.

Durante añanan, Jeanne tabata miembro di diferente direc-
tiva y comision manera, comision di Salud, AIDS Awareness
y Dress a Child.

Tambe boluntariamente e tabata asisti comision di Program
na porta ora di reunionnan general di miembresia, atendiendo
un y tur cu su smile, pasenshi y un cordial saludo di bon bini.
E tabata gusta e actividadnan di Study Group masha, princi-
palmente esunnan di obra di man, pintamento, ya cu e mes
a bay varios curso di pintamento di maestronan grandi di ex-
terior y a participa na diferente exposicion cu su pinturanan.
Aña pasa, el a culmina su trabou di boluntario den WCA,
aceptando e funcion di chairman di e comision di Student
Awards cu tin como meta pa honra e miho graduadonan di
nos pais.
Jeanne tabata den exterior pa su salud y ora cu el a bin bek,
nos tabata tin e speransa di wak e bek na club, pero e tabata
den un lucha dificil pa su salud y finalmente dia 11 di maart,
el a bay sosega na paz.