Page 44 - MIN VOS FLIP 5th JUNE 2017

Confirmacion di entreotro Federales di Venezuela Panama,
Curacao y Republica Dominicana

Sunday, 04 June 2017 09:55
Comparti

Comision Organisador di Champ of the Champs 2017 ta den pleno preparacion pa organisa e di 11 Edicion di Champ
of the Champs cual lo tuma lugar desde dialuna 26 di Juni tur dia y lo termina Diadomingo 2 di Juli riba veld di
Dragon Hitters. Paisnan manera Venezuela, Panama, Curacao y Republica Dominicana a confirma y a inscribi.

Heineken lo ta e patronisador oficial un biaha mas esta pa di 11 aña consecutivo. Champ of the Champs ta un di e
torneonan mas competitivo den región y a gatia después cana y ta coriendo awor. Hopi ta paisnan cu ta buska
oportunidad pa drenta e magno torneo aki. Champ of the Champs ta conosi p ata un torneo hopi competitivo unda ta
permiti pitchenan lansa modifica pero hopi mas habri percurando asina cu pitchernan por crea hopi velocidad y
movemento di bala manera dropball y risingball. Esaki ta complementa e parti pa nos atletanan local por ricibi
oportunidad pa mira lansamentonan di otro nivel y asina sigui desaroya. Champ of the Champs ta popular tambe pa
e combinación di competencia di alto nivel y ambiente musical. Tsunami lo ta e banda oficial cu lo tas erando Champ
of the Champs 2 di Juli 2017. Keda pendiente pa e line up completo. Aruba Softball Bond ta auspicia Champ of the
Champs percurando pa tur cos cana di acuerdo cu reglamento di WBSC. Lo percura pa trese un instructor di Umpire
di WBSC Aruba kende lo duna un clínica durante e torneo y alaves lo fungi como Hefe di Arbitro di e torneo.
Equiponan cu clasifica den e promer 4 equiponan di ultimo campeonato semper lo tin e promer oportunidad pa
participa sigui pa equiponan miembro di ASB y alaves teamnan invita. Fanaticada di bon softball reserva e fechanan
pa e grandioso torneo c uta na caminda. Deporte den desaroyo di alto nivel.