Page 48 - MIN VOS FLIP 5th JUNE 2017

Division Junioren lo tin un campeon nobo pa campeonato
2016/2017

Sunday, 04 June 2017 22:16
Comparti

E campeonato di Junioren 2016/2017 ta yega su final cu e ultimo wega entre RCA y Estrella, cu ambos 1 wega gana. Nan a hunga dos wega
caba y awe lo mester kibra e empate den e formula di “Best out of 3”.
Ora papia di e liga di “Junioren” den futbol, ta referi aki na e categoria U-20 cu ta hungadonan di futbol te cu 21 aña di edad. Mayoria biaha
ta e mesun hungadonan aki, cu probablemente a sali for di LIFIDA ta sigui despues pa e division di Honor den nos futbol local.
Den e campeonato di 2015/2016 Dakota a gana Britannia cu e score di 2-0, pero e aña aki nan no a yega final despues cu Estrella y RCA a
bringa fuerte pa por a yega final.
E prome wega RCA a bay cu e victoria y sigura nan mes. Den e di dos wega Estrella a sorprende tur hende y a bay cu e victoria pa asina nan
pusha pe di 3 wega.
Ta bon pa splica cu awe nochi MESTER sali un ganado, pues si e resultado ta empata na di 90 minuut di wega, lo hunga 15 minuut adicional
pa cada banda y si ainda keda un empate lo sigui pa tiramento di pinalti.
Ambos team lo subi tereno awe nochi pa 8:00PM den stadion Guillermo Trinidad na Dakota pa asina busca pa bira campeon di e
campeonato. Entrada na stadion awe lo ta Afl. 5.00 pa hende grandi y solamente Afl. 2.00 pa e muchanan.