Page 11 - CITGO

Parlamentario Bikker a recorda cu ta su mocion a pone cu a instala un comishon pa explora
e re-apterura di e refineria, ja cu Gobierno a expresa e tempo ey di tin intencion pa bay
desmantela e facilidadnan.

Banco Central recientemente a saca un rapport unda cu basicamente ta bisa cu e
crecemento economico premira pa aña 2017 ta grandemente basa riba e inversionnan den
reconditiona e refineria pa su re-apterura. E situacion aki ta pone cu Parlamento for di

punto di bista di e presupuesto di pais Aruba tin e deber y obligacion di basicamente
monitor con un inversion asina grandi y importante pa pais Aruba ta canando. A base di
esey Andin a dicidi di invita RDA y CITGO pa reuni cu e Comishon pa asina por haya mas

informacion.

Segun Parlamentario Bikker un par di siman pasa e Comishon a reuni cu Refineria di Aruba
N.V. y dialuna ultimo a reuni cu CITGO. E Parlamentarionan di diferente fraccion cu tabata

presente a haci diferente preguntanan y cu por bisa den liñanan grandi cosnan ta cana
segun e plannan calcula. Presidente di e Comision, mr. Andin Bikker ta kere cu si mas
despues mester mas informacion lo invita RDA of CITGO un biaha mas. Sinembargo na e

momentonan aki lo bay pidi un reunion cu Gobierno mirando cu siman pasa por a tuma
nota cu cierto acuerdonan a wordo firma y como Parlamentario tin e derecho pa haya
informacion for di Gobierno mes, ja cu Parlamento su terea principal ta pa controla

Gobierno.