Page 44 - EXTRA12MAART2016

44 Djasabra 12 Mart 2016

Kontinuashon di pagina 2
MAS VIKTIMA DI PASTOR..

a lo ménos el a sali na
kla i ta bai skapa hopi otro
víktima ku ta saliendo dor di
publikashon dje notisia aki
den EXTRA.

MAS FOR DI ULANDA
Ta un sekreto públiko
bou di komunidat kristian
antiano na Ulanda ku e
apòstel pastor O.B tin mas
ku dos aña sin ta bishita
Ulanda. Motibu di esaki ta
ku e pastor/apòstel a keda
akusá pa dos hobensita di
abuso seksual.
Ayera nochi lat EXTRA
tabatin kontakto ku un
señora tambe for di Ulanda
ku ke keda anónimo riba
e kaso aki. Segun e sra.
e pastor/apòstel tabata
un persona hopi kerí
na Ulanda i tabatin bin
Ulanda minimal 2bia pa
aña. Konferenshanan i
sirbishinan di liberashon
tabata bon bishita rònt
Ulanda. E kaso di abusu
seksual a tuma lugá den
área di Zoetermeer/Den
Haag, aki e pastor/apòstel
tabata prediká . Segun nos
fuente ku dos hobensita
kual un di nan ta yu di un
pastor kolega di O.B. lo a
mèldu ku e pastor/apòstel lo
a mishi kuné den un hotèl
kaminda e apòstel tabata
hospedá.
Despues di a mèldu
esaki i rumor a kore rápido
i apòstel/pastor a move pa
Kòrsou sin regresá Ulanda
nunka mas.
E iglesia mes a kibra i
te awe e hendenan a keda
tras ku hopi pregunta. Na
Ulanda e apòstel/pastor tin
mas iglesia ku ta kai bou
di su kobertura, pero mas
ku 2 aña e no por a regresá
Ulanda pa sostené i guia
esakinan.
E tabatin miedu pa e no
keda detené pa outoridatnan
polisial.
Pa EXTRA ta un
pregunta kon ku mayoria
pastornan antiano tantu
na Kòrsou i Ulanda tabata
sa di e rumornan riba
komportashon di e apòstel/
pastor aki, pero niun no
a tuma ningun paso pa
protehá muchanan kontra
di O.B.
Segun EXTRA
a komprondé ku e
komportashon di e apòstel/
pastor tabata konosí for
di den iglesia ku e tabata
bishita ántes, promé di a
kuminsá riba su mes, pero
amigunan pastor nunka a
hasi algu ku e reklamonan
ku nan a haña.