Page 5 - EXTRA

Djabièrnè 2 Mart 2018 5
Sehos en buska

di miembro
pa Konseho

di Kliente
Pa representá e interes
di pashèntnan
WILLEMSTAD.- Hospital
Sehos ta kuminsá ku un
Konseho di Kliente ku ta
independiente. Intenshon
di e konseho ta ku e ta
kuida interes general di
pashèntnan, pero tambe ta
duna konseho na Hunta di
Direktiva di Sehos i tambe
ta duna un kontribushon
na diferente tópiko.
Manera kalidat di kuidadó
i servisio, tratamentu,
seguridat, atmishon i
terminashon di kuidadó,
indikashon ku tin di aber
direktamente ku bienestar
di pashèntnan (nutrishon
i higiena) i partisipashon
di pashèntnan. E Konseho
di Kliente ta konsistí di
5 persona ku ta biba na
Kòrsou. E konseho lo reuní
1 bia pa luna. Intenshon ta
ku miembro di e konseho
por sigui tur desaroyo den
Sehos i tambe nan lo tin
nan influensia. Meta di e
Konseho di Kliente ta usa
nan influensia pa representá
e interes di pashèntnan mas
mihó. Sehos ke instalá e
konseho di kliente pa asina
mehora situashon den
hospital. Miembronan di e
konseho lo reuní tur luna
ku gerensia, pero tambe lo
tin kontakto ku médikonan
i Hunta i Supervishon.
Miembronan tin ku reuní
regularmente i tambe duna
konseho na Sehos. Pa e
trabou ku nan ta hasi nan
lo haña un kompensashon
finansiero. Esaki ta forma
parti di e maneho di Sehos
pa mehorá servisio i tambe
trabou den hospital. Ta
buska miembronan den
Konseho di Kliente ku tin
interes den salubridat i
kuido pa pashènt. Nan
mester tin eksperensia
general, abilidatnan
komunikativo i un kapasidat
pa studia tur dokumentonan
relevante. Mas importante
ta ku e miembronan por
traha independiente i tin e
interes di e pashèntnan na
pechu. Ta preferá persona
ku tin eksperensia di e kuido
ku Sehos ta ofresé. Ku ta
nifiká ku nan mes tabata
pashènt, òf nan tin partner
òf otro famia òf amigunan
ku tabata den Sehos.
Hende ku ta interesá por
solisitá i manda nan karta
promé ku 14 di mart na
ATSDjaoen@sehos.cw.