Page 9 - EXTRA

Djabièrnè 2 Mart 2018 9
Gobernador di Sint

Maarten a nombra dos

informadó

Pa yega na un gobièrnu nobo

WILLEMSTAD.-
Gobernador di Sint Maarten
Eugene Holiday ayera a
nombra dos informadó pa
investigá e posibilidatnan
pa formashon di un
gobièrnu pa Sint Maarten
nobo ku ta haña sosten dor
di e mayoria mas grandi
posibel. Gobernador Holiday
a nombra Nilda Arduin
i Jan Beaujon. Holiday a
puntra nan pa entrega nan
reportahe no mas lat ku
djaluna 12 di mart.
E nombramentu ta
resultado di e rondó di
konsulta ku gobernador
tabatin den e último
dianan, despues di
elekshon di 26 di
febrüari. Holiday a papia
ku lidernan di e kuater
partidonan ku a keda
skohé den Parlamento
(United Democrats, National
Alliance, United St. Maarten
Peoples Party i Sint Maarten
Christian Party) i tambe ku
presidente di Parlamento,
visepresidente di Hunta
di Konseho i presidente di
Konseho Supremo Elektoral
di Sint Maarten.
Holiday a pidi e
informadó pa inkluí
den nan reportahe un
inventario di plannan
polítiko di tur partidonan
polítiko enbolbí i tambe
nan vishon riba e siguiente
puntonan:
1. Un rekonstrukshon
duradero di Sint Maarten ku
prioridat pa infrastruktura
kritiko, sektor di turismo,
infrastruktura sosial, polis
i finansa públiko.
2. Koperashon ku
Ulanda i en partikular e
akuerdonan ku Ulanda
i Banko Mundial en
konekshon ku e fondo di
rekonstrukshon.
3. Preparashon pa
Sint Maarten pa e siguiente
temporada di orkan.4.
Bin ku un solushon
duradero pa e ‘landfill’
i e problema di ‘waste
management’.
5. Bin ku un kontesta
riba e pregunta ki ròl e
partnernan sosial tin den e
proseso di rekonstrukshon.
Gobernador a pidi e
informadó pa enbolbí
tur partido interesado
(‘stakeholders’) den e
proseso di informashon.