Page 32 - HOSPITAAL
P. 32
Cruz Cora Aruba y Hospice Atardi a
firma acuerdo di cooperacion
Posted on 07/25/2018 4:43 pm AST | Updated on 07/25/2018 4:47 pm AST
OARNJESTAD - Awe, 25 di juli, 2018, Presidente di Cruz Cora Aruba, Sr. Stephen
Daal a firma acuerdo di colaboracion hunto cu Presidente di Fundacion Hospice
Atardi, Dr. Peter Paul Hermans, acompaña pa un grupo di voluntario di Cruz Cora
Aruba. Na Aruba ta biba, for di cifranan demografico di CBS na 2016, un total di
110.665 persona di cual 20.861 ta di edad riba 60 aña. For di 2013, e cantidad di hende
grandi riba 60 aña a aumenta na Aruba cu 2289 persona. “Vergrijzing” y enfermedadnan
cronico ta aumenta rapidamente na Aruba mescos cu na Hulanda y e otro islanan. Na
Aruba no tin cas di cuido paliativo disponibel. Personanan cu enfermedad cronico den
ultimo fase di nan enfermedan te cu awor solamente por a pasa nan ultimo dianan den
hospital of na cas. Den tur dos caso esaki no ta ideal pa e persona. Na cas no tin e guia y
cuido adecua profesional pa e patient y menos pa e famia y na hospital e cuido ta
concentra riba recuperacion.
