Page 33 - HOSPITAAL
P. 33
Pa e motivo aki, Cruz Cora Aruba ta sumamente contento di forma parti di un proyecto
asina special hunto cu Stichting Hospice Atardi. Den e ultimo lunanan, Cruz Cora a
percura pa trece tur e stakeholders hunto pa poco poco yega na acuerdonan y awe por ta
satisfecho cu e logro grandi aki, Hospice Atardi ta hañando forma. Den e ultimo 3 siman,
a firma cu AZV ,FCCA y otronan y ya hopi trabou ta wordo haci na e cas unda e Hospice
lo ofrece sosten, guia spiritual y medico na patient y famia den e momentonan mas
dificil.
Kiko ta cuido paliativo?
Bou di cuido paliativo ta cay tur cuido cu ta enfoca riba e patient cu e enfermedad
terminal (y tambe su famia mas cerca) y dune e cuido di calidad mas halto posibel. No tin
solamente atención pa atende cu e kehonan fisico di e patient, pero tambe riba e parti
psycologico, spiritual y social. Y esaki den un ambiente mas caluroso di cas , cu famia
por rondona e patient cu su cosnan personal mas preferi di cas.
Un final digno y humanitario cu tur persona merece y pa e motibo aki Cruz Cora Aruba a
ofrece sosten financiero y “mankracht” pa asina haci e Hospice aki realidad.
Cruz Cora Aruba ta pidi persona interesa pa bira voluntario y yuda cu e Hospice pa tuma
contacto via info@redcrossaruba.com pa un afspraak y despues training.
