Page 2 - AM210218

2 AWEMainta
Famia tin rason di kier despedi di nan ser keri
Parlamentario Endy Croes tin rason,
pero mester a actua for di inicio pa otro
famianan cu a pasa den mesun tristesa
E realidad Parlamentario Endy Croes tin rason di cues-
tiona e maneho cu DVG y Crisis Team di su Gobierno,
ta hibando pa loke ta entiero di hendenan cu fayece
debi n’e corona virus, despues cu su Mama a fayece si-
man pasa.
E incidente aki a inicia ora cu un funeraria a informa e
famia cu nan mama ta den un saco di plastic bon seya
y cu no ta ser permiti pa habri esaki pa famianan des-
pedi di nan ser keri y tampoco ta permisibel pa habri
caha di e difunto.
Esaki ta un maneho cu for di inicio di e pandemia di
corona virus (wak comunicado di Gobierno di dia 6 di
April 2020) ta na vigor pero atrobe ta keda demostra
mescos cu cantidad di otro medidanan tuma, cu ta ac-
tua den forma impulsivo sin busca kico real e situacion
ta rekeri y ta permiti.
Loke a pasa cu famia di señora Sofia Croes Rasmijn,
no ta algo nobo ya cu mayoria di famia cu a perde nan
ser keri p’e Covid 19, a pasa den mesun situacion tristo
aki, no pa solamente e hecho cu nan no por despedi di
nan seri keri, pero e forma con ta trata cu e resto mor-
tal mescos cu ta sushi ta wordo tira afo.
Parlamentario Endy Croes y su famia tin razon, pero
tambe mas cu 60 otro famia cu for di dia 6 di april di
2020 a bin ta bibando cu e humiyacion aki p’e forma
con nan tin mira nan ser keri pasa su ultimo dianan
riba tera y caminda hopi hende a cuestiona e forma di
proceder aki.
Ta un tiki lamentabel si cu ta ora cu dolor y triste-
za a bati na porta di un Parlamentario cu pa colmo
ta sostene maneho di e actual Gobierno, cu a lanta y
cuestiona henter e forma ‘dictarorial’ cu Crisis Team ta
hibando pa casi un aña largo caba.
A tuma e decision aki, mientras cu ningun instancia
y hasta Parlamento, a trata di averigua si e forma di
proceder aki ta corecto of no corecto.
Diahuebs, 18 Februari 2021
Pa hopi famia tabata duro caba cu nan no por a com-
paña nan sernan keri den nan ultimo oranan riba e
mundo aki pa despues nan haya e resto mortal den un
saco di plastic bon cera y ta wordo informa pa funerar-
ia cu no mag habri e saco di plastic aki segun reglanan
existente.
Ta mas cu claro cu Parlamentrio Endy Croes tin ra-
zon di mustra cu tanto den reglanan internacional, na
Merca y hasta WHO no tin ningun caminda cu ta mus-
tra cu no por mira e difunto y cu no por laga su caha
habri durante di e proceso funebre.
Aki atrobe ta lanta e pregunta dicon no a haci inves-
tigacion prome p’asina tur hende, cu perde nan ser keri
na e Covid 19 aki, lo tabatin oportunidad di despedi
manera cu nan kier di nan ser keri y lo ta na su lugar
pa tanto Gobierno como Crisis Team y DVG bin infor-
ma ta kende a dicidi y a base di cual regla of ley, cu
mester mester crema curpa di bo ser keri cu a fayece
dor di Covid 19.
E curpa sin bida no ta propiedad di Gobierno, no di
DVG, o di Crisis Team of e funeraria pa nan dicidi kico
por of kico no por haci cu e resto mortal, ya cu de lo
contrario ta Gobierno mes mester asumi responsabi-
lidad di e resto mortal y nan mes carga cu e gastonan
di cremacion y tur otro gasto cu tin di haber cu dera-
mento di e persona.
Ta mas cu claro cu tur hende kier mira nan ser keri pa
despedi di dje pa ultimo occasion, pero pa tuma e tipo
di decisionnan aki sin argumento logico su tras, ta algo
sin precedente cu no tin mag di pasa y den e caso aki
Parlamentario Endy Croes, a pesar cu e tin tur rason
di mustra riba e situacion incorecto y inhusto aki, su
persona como respresentante di pueblo mester a coregi
su Gobierno ora cu e anuncia e medida aki durante di
e pandemia, for di aña pasa caba.