Page 25 - Updated Newspaper Clippings
P. 25
Despues di un trayecto intensivo cu varios momento di evaluacion, recientemente Universidad di Aruba
a ricibi e grato noticia for di Hulanda cu e resultado final di e evaluacion di calidad conforme e
cuadronan di acreditacion ta uno positivo pa e estudionan di e facultad di finansa, accounting y
mercadeo di nos Universidad.
Tanto e opleiding Bedrijfseconomie como e opleiding Commerciele Economie ta cumpli cu tur standard
internacional di acreditacion y ta ricibi reconocemento di e instancia oficial di acreditacion di Hulanda y
Belgica esta Nederlands Vlaamse Accreditatieorganisatie (NVAO).
E evaluacion final a tuma luga na november ultimo unda cu un panel di experto a studia varios
documento y material y a tene diferente combersacion cu stakeholders di e facultadnan. E evaluacion
tabata riba diferente componente na nivel di meta y contenido di e estudionan, calidad di docente,
calidad di facilidadnan y guia, e sistema di cuido di calidad y evaluacion y por ultimo e resultadonan di
estudio.
E resultado final tabata positivo y esaki a keda publica recientemente door di NVAO. Minister Hooyboer-
Winklaar ta expresa su satisfaccion cu e resultado final y ta felicita Universidad di Aruba y FEF cu e logro
grandi aki.
Segun Minister Hooyboer-Winklaar, nunca no a duda den e calidad cu Universidad di Aruba ta ofrece,
pero esaki ta un confirmacion importante di un instancia externo y independiente cu nos Universidad ta
ofrece calidad y por midi su mes cu cualkier Universidad den exterior.
Pa por ofrece calidad na un nivel internacional riba un isla chikito tin su retonan, pero Universidad di
Aruba a demostra cu esaki ta posibel y nos mester ta masha orguyoso di esaki, segun Minister Michelle
Hooyboer-Winklaar.
E Financieel Economische Faculteit ta e di dos facultad di Universidad cu ta haya e evaluacion positivo
aki. E prome facultad pa ricibi e stempel di calidad tabata e facultad di ley na comienso di aña 2014. E
demas facultadnan ta den e mesun proceso y pronto por spera cu nan tambe lo finalisa e trayecto di
acreditacion cu exito.
E proceso di acreditacion tabata largo pa ambos Universidad di Aruba como IPA door cu
Aruba mes mester a lobby hopi pa por participa na e sistema di acreditacion di Hulanda mirando cu
esaki tabata mara na un ley di Hulanda cu a keda introduci na aña 2003.
Prome cu esaki nos no tabata conoce e sistema di acreditacion, pero mas bien e sistema di visitacion cu
a yega di tuma luga varios biaha na Aruba door di entre otro HBO-raad y Asociacion di Universidadnan
di Hulanda, esta VSNU.
Na aña 2006 e participacion di Aruba y Antias na e sistema di acreditacion a wordo haci posibel door di
Minister Van der Hoeven di Hulanda y desde 2008 a logra haya financiamento via di FDA pa por cubri e
gastonan mirando cu ta trata di trayectonan hopi costoso.
Minister Hooyboer-Winklaar tin admiracion grandi pa e determinacion di e institutonan di enseñansa
superior di nos pais mirando cu nan mes a mira e necesidad y importancia di midi nan calidad y di
demostra nan mes. Minister Hooyboer-Winklaar ta mira cu e logro aki lo tin un impacto grandi pa nos
enseñansa superior na Aruba.
Mas porta lo habri pa cooperacion internacional y e interes di studiantenan pa studia na Aruba mes lo
subi mirando cu awo nan por ta garantisa cu nos institucionnan ta cumpli cu tur e standardnan
internacional di acreditacion.
Minister Hooyboer-Winklaar ta felicita tur cu a traha duro pa haci e logro aki posibel. Un pabien grandi
na tur studiante, docente, personal di sosten, team di maneho di Universidad y na Aruba completo.
a ricibi e grato noticia for di Hulanda cu e resultado final di e evaluacion di calidad conforme e
cuadronan di acreditacion ta uno positivo pa e estudionan di e facultad di finansa, accounting y
mercadeo di nos Universidad.
Tanto e opleiding Bedrijfseconomie como e opleiding Commerciele Economie ta cumpli cu tur standard
internacional di acreditacion y ta ricibi reconocemento di e instancia oficial di acreditacion di Hulanda y
Belgica esta Nederlands Vlaamse Accreditatieorganisatie (NVAO).
E evaluacion final a tuma luga na november ultimo unda cu un panel di experto a studia varios
documento y material y a tene diferente combersacion cu stakeholders di e facultadnan. E evaluacion
tabata riba diferente componente na nivel di meta y contenido di e estudionan, calidad di docente,
calidad di facilidadnan y guia, e sistema di cuido di calidad y evaluacion y por ultimo e resultadonan di
estudio.
E resultado final tabata positivo y esaki a keda publica recientemente door di NVAO. Minister Hooyboer-
Winklaar ta expresa su satisfaccion cu e resultado final y ta felicita Universidad di Aruba y FEF cu e logro
grandi aki.
Segun Minister Hooyboer-Winklaar, nunca no a duda den e calidad cu Universidad di Aruba ta ofrece,
pero esaki ta un confirmacion importante di un instancia externo y independiente cu nos Universidad ta
ofrece calidad y por midi su mes cu cualkier Universidad den exterior.
Pa por ofrece calidad na un nivel internacional riba un isla chikito tin su retonan, pero Universidad di
Aruba a demostra cu esaki ta posibel y nos mester ta masha orguyoso di esaki, segun Minister Michelle
Hooyboer-Winklaar.
E Financieel Economische Faculteit ta e di dos facultad di Universidad cu ta haya e evaluacion positivo
aki. E prome facultad pa ricibi e stempel di calidad tabata e facultad di ley na comienso di aña 2014. E
demas facultadnan ta den e mesun proceso y pronto por spera cu nan tambe lo finalisa e trayecto di
acreditacion cu exito.
E proceso di acreditacion tabata largo pa ambos Universidad di Aruba como IPA door cu
Aruba mes mester a lobby hopi pa por participa na e sistema di acreditacion di Hulanda mirando cu
esaki tabata mara na un ley di Hulanda cu a keda introduci na aña 2003.
Prome cu esaki nos no tabata conoce e sistema di acreditacion, pero mas bien e sistema di visitacion cu
a yega di tuma luga varios biaha na Aruba door di entre otro HBO-raad y Asociacion di Universidadnan
di Hulanda, esta VSNU.
Na aña 2006 e participacion di Aruba y Antias na e sistema di acreditacion a wordo haci posibel door di
Minister Van der Hoeven di Hulanda y desde 2008 a logra haya financiamento via di FDA pa por cubri e
gastonan mirando cu ta trata di trayectonan hopi costoso.
Minister Hooyboer-Winklaar tin admiracion grandi pa e determinacion di e institutonan di enseñansa
superior di nos pais mirando cu nan mes a mira e necesidad y importancia di midi nan calidad y di
demostra nan mes. Minister Hooyboer-Winklaar ta mira cu e logro aki lo tin un impacto grandi pa nos
enseñansa superior na Aruba.
Mas porta lo habri pa cooperacion internacional y e interes di studiantenan pa studia na Aruba mes lo
subi mirando cu awo nan por ta garantisa cu nos institucionnan ta cumpli cu tur e standardnan
internacional di acreditacion.
Minister Hooyboer-Winklaar ta felicita tur cu a traha duro pa haci e logro aki posibel. Un pabien grandi
na tur studiante, docente, personal di sosten, team di maneho di Universidad y na Aruba completo.
