Page 9 - Updated Newspaper Clippings

24 AWEMainta Dialuna, 04 Mei 2015

Rey Willem-Alexander

a bishita
Cas di
Gobernador

DURANTE e bishita di un dia cu Rey Willem-

Alexander a realisa na Aruba den compania di
su esposa Reina Máxima, Minister di Asunto
di Interior Ronald Plasterk y Presidente
Comision Celebracion 200 aña di Reino Ank
Bijleveld, a incorpora tambe un bishita n’e
Cas di Gobernador, unda cu e trabounan di
renobacion y restauracion ta practicamente
cla.

Na yegada di e Pareha Real, tabatin un
multitud di hende sperando riba L.G. Smith
Blvd, dilanti e Bahia di Gobernador unda
cu tabatin competencia di boto miniatura
organisa riba e dia aki. Varios Grupo di Scout
a dorna e entrada p’e Pareha Real pasa nan
dilanti prome cu drenta e Cas di Gobernador.
Reina Máxima a ricibi un bunita areglo floral
for di un mucha muher chikito. E delegacion
a keda basta rato paden unda cu a admira e
beyesa di Cas di Gobernador.

Por a nota e amor cu habitantenan di Aruba
tin pa Famia Real, acudiendo na cantidad
grandi for di oranan tempran di mainta, sea
riba L.G. Smith Blvd pa ricibi nan of den haf di
Oranjestad, unda cu nan a haya un splicacion
di loke tabata tumando lugar eyriba.
Rey Willem-Alexander y su esposa Reina
Máxima a ricibi invitacion di Gobernador
sr. Fredis Refunjol, representante di Rey na
Aruba, pa realisa apertura di Sail Aruba.
E evento aki a wordo organisa den cuadro di
200 aña di existencia di Reino Hulandes y 350
aña di Marina Real.