Page 24 - AM210422

5
Djarason 21 aprel 2021

Ayera den e kolumna aki
m’a skirbi di ‘strange people’,
hende straño, basá riba un seri
di storia kòrtiku ku Henk Klomp
(�) a yega di skirbi den Amigoe
den añanan setenta. Papiando
di ‘strange people’, un par di
aña pasá riba un djasabra m’a
pasa oranan largu ku mi úniko
nietu Maynard. Nunka promé mi
no a dediká tantu ora asina na e
mener aki, ku e tempu ei tabatin
kuater aña di edat. Yu di Fran-
klin jr. i Guoretti. Un ‘strange
kid’.

***
Nos a kore rònt hasi dife-
rente pida kos. E tabata sa bon
ku e siguiente dia tabata ‘Dia
di Tata’ i el a bisa mi ku mes-
ter kumpra regalu pa su tata. Di
mes m’a bira puntr’é ku si e tin
sèn i ta ki regalu asina e ta kere
ku mester kumpra pa su tata.
Su kontesta: “Un saté ku batata
mes ta bon.”

***
Ku mi santu pasenshi m’a
trata na splik’é ku saté ku bata-
ta no ta e regalu di mas ideal
pa ‘Dia di Tata’. E ta kontestá:
“Awèl un pan ku tuna di Subway
anto.” Finalmente, despues dis-
kushon, m’a kumpra un memory
stick pa e regalá su tata. Su
reakshon: “Kiko mi tata ta bai
hasi ku e ko’i?”

***
Na sierto momentu m’a kore
pasa den mesun kaya. Esaki a
kapta su atenshon i e ta komen-
tá: “Mira un kos aki kabayero, ta
na unda nos ta bai? Nos a pasa
den e kaya aki kaba. Dia di Tata
e aña ei mi dos yu hòmbernan
Franklin i Danielson a bishitá mi
na kas. Sebel, mi yu muhé, so
tabata falta. Maynard a regalá
su tata e regalu. Un memory
stick na lugá di saté ku batata òf
pan ku tuna di Subway.

***
Skirbiendo na e momentu
aki di saté ku batata, mi ta kòrda
riba e platonan di saté ku batata
di ántes. Segun mi na Zeezicht
tabata e promé lugá kaminda
tabata bende saté ku batata
prepará estilo chines pa e preis
di, kere òf laga, 1 fl orin. Bo por
a kumpra e saté (di porko) so
tambe pa un yotin i e batata
plain tambe pa un yotin. Dushi
tempu bieu....
***