Page 7 - AM210422

Diahuebs, 22 April 2021 AWEMainta 7

Club Kibrahacha a clausura Curso di Digitalisacion exitoso

DIASABRA ultimo Club Kibrahacha a

clausura e Curso di Digitalisacion pa 60+.

Na luna di januari Club Kibrahacha a inicia
cu e Curso di Digitalisacion. E curso tabatin

un duracion di 11 siman. Na final di e curso
a haci entrega di certificado na tur 20 par-

ticipante.

E proposito di e iniciativa aki a cuminsa
como idea pa yuda nos grandinan na Aruba

cu ta desea di siña traha cu Internet, man-

da E-mail, haci uzo di Online Banking, wak
recibo di telefon, coriente y awa online.

Nos enfoque ta primordialmente pa asisti
nos grandinan unda cu tecnoligia ta un reto.

Alavez nos a duna guia na nos participan-
tenan con pa maneha cu nan smartphone

y tablet. Finalmente a clausura e curso cu

tips importante di seguridad ora di haci uzo
di tecnologia.

E Curso di Digitalisacion di Club Kibraha-
cha a ser duna den grupo chiquito.

E grupo di 20 participante a ser reparti den

dos grupo di 10 persona.

Asina tambe por a duna asistencia y guia

necesario na cada participante. Tecnologia
ta un reto pa hopi hende na Aruba. P’esey

tambe Club Kibrahacha ta organisa e Curso

di Digitalisacion den grupo chiquito. E con-
cepto aki ta dunando bon resultado.

E programa a ser dirigi y coordina pa Gi-
annina Subaran. Den e programa Club

Kibrahacha a haya sosten tambe di Kim-

berly Boekhoudt di Setar N.V., WEB Aruba
N.V., Elmar N.V., y tambe Edward Eras-

mus.

Club Kibrahacha ta gradici tur cu a aporta

boluntariamente n’e programa.
Club Kibrahacha su Curso di Digitalisacion

a tuma lugar riba diasabra mainta na Club

Kibrahacha. P’esanan cu ta interesa por
tuma contacto cu Club Kibrahacha na tele-

fon 582-8159 durante orario di oficina.