Page 32 - AWM 16OCT2017
P. 32
32 AWEMainta Dialuna, 16 October 2017
Brazil Taekwondo su team di Train Hard
Fight Smart a test e mashinnan di CBB
DIABIERNA ultimo tabatin e apertura di e gym nobo di Centro di
Bario Brazil y e atletanan di Train Hard Fight Smart tabata presente p’e
apertura aki y nan por a test algun mashin. Esaki ta nobo pa hopi di e
atletanan di Brazil Taekwondo Stichting, mirando cu na trainingnan sa
haci uso di nan mesun forsa pa nan train forsa. E atletanan a purba varios
mashin, manera e bais, bench press mashin y e otro mashinnan pa sinti
con esakinan ta traha.
E topico aki lo bay bira un punto di agenda den e proximo reunion di
Brazil Taekwondo Stichting. Centro di Bario Brazil su gym ta pa tur hende
haci uso di dje y nan kier p’e muchanan cu ta haci uso di e veld di yerba
artificial, cancha di volleyball y basketball haci uso di e gym aki tambe.
Sres. Willy Willems y Chico Harms ta masha contento cu Centro di Bario
Brazil ta conta cu un otro actividad adicional p’e hobennan.
Sigui na pagina 33>
