Page 37 - AWM 16OCT2017

AWEMainta Dialuna, 16 October 2017 37

< Continua di pagina 36

Kiko ta den wega p’e oposicion venezolano?
Mas leu di un mayoria den gorbernacionnan, un aspect
clave lo ta e cantidad di voto total. Esey lo ta un manera
di demostra si oposicion ta mayoria, manera a keda
evidencia durante e eleccion Parlamentario na 2015, y
despues di tempo e mayoria aki a bira mas grandi of no.
Y e lectura ey por ta fundamental pensando den e elec-
cion presidencial di aki 1 aña.

Pa esaki por ta possible, oposicion na Venezuela mester
un nivel halto di participacion electoral, pa locual nan
a purba di mobilisa nan siguidornan y tur esnan cu ta
rechasa e regimen Madurista, den un momento cu no tin
hopi animo dor di a mira 4 luna di protesta sin mucho
cambio politico n’e pais, pa motibo di e instalacion di
e Constituyente cu ta nifica un fracaso pa hopi.
Pero e Mesa de Unidad Democratica (MUD) no tabata
extent di division, pasobra algun sector a critica cu nan
a bay participa den e eleccion aki, pasobra ta considera
cu esaki no ta un votacion limpi.
Dilanti nan tin un rival cu a acomoda su makinaria
electoral pa nan seguidornan acudi y hasi uzo di nan
derecho di voto pa 18 aña largo.

Un triunfo cu demostra claramente un mayoria lo a re-
forsa e opinion di e aliadonan internacional, cu ta exigi
dialogo y un salida electoral n’e crisis cu Venezuela ta
bibando. E paisnan aki a bisa caba cu pasa loke pasa,
nan lo keda sin reconoce e Constituyente y nan ta pen-
diente pa un posibel fraude cu, di por keda demostra,
lo por reactiva protesta riba caya.
Un bon resultado pa oposicion lo por tabata un argu-
mento importante pa bolbe bek na mesa di dialogo cu
mas garantia, pasobra a suspende esaki den espera di e
resultado di diadomingo.