Page 35 - MIN JUS

PAGINA 38 DIARIO DIABIERNA 27 NOVEMBER 2015

Chauffeur burachi
deteni ora a subi beach

y pega cu Pickup

ORANJESTAD(AAN): Den A logra saca e auto y keda
careda di 4or di marduga un para eybanda den parkinglot.
chauffeur hopi bebi a subi
beach cu un pickup.

Esaki a sosode banda di
Tamarijn. E forma cu el a
pega den santo a pone cu e no
por a sigui su caminda. Pesey
mes Polis a worde yama door
di seguridad di e hotel. Asina
a detene y bay cune warda.

Francamente

Scirbi pa Frank Edwig Burke

Criminalidad 1

“Home grown”

Durante di decada 70 di siglo pasa e fenomeno di famiyanan
desfuncional a cuminsa lanta cabes na Aruba. Mayornan cu
a cuminsa perde control ariba nan uso di alchol mientras cu
uso di droga a cuminsa forma parti di e patronchi di “biba
lekker”. Aki a cuminsa perde control ariba e yiunan cu a
cuminsa sinti e falta di interes di parti di nan mayornan pa
cu e bida familiar.
Tata of mama cu no tawata tei of no tawata tin tempo na
momento cu e mucha tawata requeri atencion pa cu cualkier
problema, of necesidad cu a surgi den e bida di un mucha
bou 10 anja. Esaki no tawata na fabor di e desaroyo di un
mucha y cu a hiba pa rebeldia contra di mayornan y sociedad
pasobra e no tawata haya oido ningun caminda.
Asina durante su adolesencia, tardi of tempran, e hoben a
cuminsa tuma su propio desicionnan sin tene cuenta cu su
mayornan, rumanan y comunidad. Den e isolacion aki e
hoben a busca refugio den alcohol y marihuana na un edad
relativamente hoben. Un raport cu a worde compila door
di Departamento di Asuntonan social e tempo ey mester a
“ring the bell” serca nos gobernantenan pasobra ya nan a
calcula cu tawata tin un grupo di mas cu 2000 hoben usando
droga diariamente.
Ora cu Aruba a drenta Status Aparte nos isla a worde envadi
pa emigrantenan di cual e mayoria tawata tin un efecto
positivo ariba e desaroyo social economico di nos pais.
Parehanan cu a cuminsa traha y a busca nan yiunan y hiba
un bida cu nan por a sonja cu ne den e pais for di cual nan a
origina (The American dream a bira di Arubian dream). Sin
embargo e solteronan a cuminsa busca derecho facil door di
casa cu un arubiano(a).
Aruba actualmente tin e indice di divorcio mas halto na
mundo y a bira tempo cu mester “vang op” e victimanan
di cualquier divorcio; e yiu nan! Prome Ministro di Aruba
ATENCION; Bo programa di formacion social ta tremendo
pero bo no ta kere cu e formacion aki mester tuma lugar
na un edad hopi mas hoben? Mester tin formacion ya for
di nan infancia pasobra francamente bisa; den famiyanan
desfuncional esaki no ta tuma lugar.
Al contrario; e mucha ta lanta den un ambiente di violencia
verbal y fisico y esaki ta fundamento principal di su formacion.
Gobierno tin e responsabilidad pa cu futuro generacionnan
pa percura pa nos hubentud haya e cuido necesario. Den su
infancia e mucha mester ta feliz y durante su adolesencia e
mester ta activo fysicamente y spiritualmente.
Aruba tin un Tesoro grandi di talento deportivo pero tambe
musical y arte en general. Ta solamente un programa pa
desaroya e talentonan aki cu ta admisibel pa tur hoben por
kibra e spiral vicioso cu ta gara nos muchanan den un ambiente
negativo y hiba nan den ambiente di criminalidad.