Page 10 - AM240624 2.0

10 SUCESO AWEMainta Dialuna, 24 Juni 2024

Diesun palo di luz ranca den menos di binticuater ora

DEN menos di 24 ora, diesun palo di luz a wordo

ranca,causando un interupcion di coriente significativo
diahuebs y lagando varios vecindario sin coriente. E situa-
cion a empeora ora cu un truck di Serlimar a dal contra di
un palo di luz na Frans Figaroa, provocando cu varios kabel

di coriente a kibra y a cende e vehiculo na candela.

Bombero y e tecniconan di Elmar a responde rapidamente n'e
luga debi n'e gravedad di e incidente y e necesidad urgente

pa restaura e coriente y sigura e area. Afortunadamente no
tabatin herido, pero e dañonan material tabata consider-
abel. E trabao di reparacion a tuma varios ora pa despues
por a haya coriente bek.

Auto a dal den cura di Marriott

DIASABRA ultimo, pa mas of menos 12'or
y mey di marduga, a sosode un accidente den
vecindario di Moomba Beach, caminda un
Hyundai nobo nobo a dal contra cura di Marriott.

Na momento cu polis a yega, nan a pone e chauf-
feur supla, pero no a haya e cantidad significativo
di alcohol den su sistema, indicando cu e chauf-
feur no tabata bao di e efectonan di alcohol.

Forensys a wordo notifica y a presenta n'e
luga p'asina atende cu e accidente. Despues, e
caso a wordo pasa p'e seguro di e auto p'asina

cubri e dañonan causa n'e muraya di e hotel.
Afortunadamente no tabatin herido.