Page 19 - AM240624 2.0
P. 19
Dialuna, 24 Juni 2024 AWEMainta DEPORTE 19
Mientras cu Belgica ta resucita cu victoria
Georgia a logra empate historico y
Portugal ta gana cu autoridad
E debutantenan di Euro Cup 2024, Georgia ta logra nan
prome punto. Tablando 1-1 contra di Czech Republic,
dunando nan un tiki rosea mas den e torneo. Georgia ta sa di
score prome cu nan a drenta e half time cu un gol di Georges
Mikautadze. Czech Republic ta subi den di 2 tempo y ya na
di 59 minuut ta tabla e scoreboard y ambos ekipo ta wanta
e rimto, den defensa y ofensa pa keda na un empate. Cada
ekipo tin 1 punto acumula pa loke ta standing den grupo F y
lo mester di un victoria den nan ultimo wega pa duna nan un
chens pa clasifica pa e siguiente buelta. Georgia lo enfrenta
Portugal mientras Czech Republic to enfrenta Turkia. Ambos
partido lo tuma luga di 26 juni pa 3'or di atardi
TURKIA vs PORTUGAL
3 punto basta facil pa Portugal kendenan a gana cu un score
di 3-0 contra di Turkia. Mirando e prome wega caminda nan
a gana 3-1 contra di Georgia, den cual nan a desplega un
wega di un nivel cu nos a spera di nan, e amantenan di futbol
a pensa cu nan lo bay duna Portugal un tiki dolor di cabes.
Pero esaki no tabata e caso. Ta di menciona cu despues di 2
wega, Cristiano Ronaldo no a anota ningun gol ainda. E tin
un assist. Portugal mester pa su hungadonan estelar activa
pa nan por yega leu den e Copa aki
BELGICA vs ROMANIA
Belgica kendenan a perde den prome salida contra di
Slovakia, mester a duna todo por todo pa nan sali victorioso
den e wega aki. Romania, kende tambe a gana nan prome
wega contra di Ucrania. A spera un wega basta nivela, pero
Belgica a logra haya nan ritmo y a gana cu score di 2-0.
Grupo E ta e grupo caminda tur 4 pais tin 3 punto despues
di nan prome wega. Romania ta na prome luga mientras
Belgica ta na di 2 luga.
Belgica falta un wega mas contra di Ucrania mientras
Romania nan ultimo wega ta contra di Slovakia. Tur 4 ekipo
tin e chens di clasifica. Den e grupo aki ta casi sigur cu un di
e 4 miho 3 luga lo pasa.
