Page 22 - AM240624 2.0

22 DEPORTE AWEMainta Dialuna, 24 Juni 2024

Mientras cu Suisa y Alemania a empata
Hungaria a score gol contra Escocia

den resultado sorprendente

SUISA contra Alemania: Nan ultimo wega di round 1. E wega
aki lo a defini kende lo a keda na di prome luga di grupo A.

Suisa a subi veld, duna Alemania dolor di cabes. Alemania na
cas, sigur kier a sali victorioso pa haci nan siguiente buelta
mas facil. Suisa ta esun cu ta score prome. Esaki ta pasa na
di 28 minuut cu un gol di Dan Ndoye. Na final di e di 2 tempo,

e referee ta duna 4 minuut extra y den e di 2 minuut di extra
tempo, Niclas Füllkrug ta anota y asina aki sigura e prome
luga di Grupo A pa Alemania. Awo Alemania lo bay enfrenta
esun cu keda na di 2 luga den Pool C mientras Suisa lo bay

enfrenta e di 2 luga den Pool B.

Escocia vs Hungaria
Hungaria ta basicamente for di e torneo, cu ningun punto

acumula ta shock tur hende y ta score den e di 100 minuut
di e wega. Escocia no a mustra ningun rato e gana pa a
score. Kisas Escosia a pensa cu un empate lo ta suficiente.
Loke nan no a spera ta e resultado di e wega aki. Awo Suisa

ta bay cas y Hungaria ta keda pendiente si nan lo clasifica
como un di e miho 4 paisnan na di tres luga. Un tiki dificul
si mirando con e otro gruponan, pero mirando e resultado
di e wega aki y kico tur por pasa den un wega di futbol, por

spera tur cos. E pais cu kier clasifica mester sigura pa nan
gana nan partidonan.