Page 20 - AHATA

Aruba Y Corsou Ta Reactiva Proceso Pa Realisacion

Di E Fast Ferry

 Local
- 27/11/2019

E proyecto di Fast Ferry pa Aruba tabata un vision di Ministernan Chris Romero y Andin
Bikker for di nan tempo como Parlamentario. Pa cu esaki, a realisa diferente gestion pa
por sondea e posibilidadnan mas realistico pa por haci e proyecto aki un realidad. A yega
asina leu di a firma un MoU entre Aruba y Corsou pa realisacion di e Proyecto Fast Ferry
entre Aruba y Corsou. Na su momento, e MoU cu a keda estableci entre Aruba y Corsou,
cual a wordo firma pa Ministernan Chris Romero di Aruba y Steven Martina di Corsou, a
papia di un siguiente fase pa por sigui realisa e proyecto prometedor aki.

Reactivacion di e proceso pa e Fast Ferry entre Aruba y Corsou

Actualmente, Minister Giselle McWilliam a keda encarga pa continua cu e proyecto di
Fast Ferry entre Aruba y Corsou. Recientemente durante su bishita na Aruba pa e prome
cumbre economico entre Aruba y Curacao, Minister McWilliam a ratifica e compromiso
di Corsou pa realisa e proyecto di Fast Ferry entre e dos islanan ruman aki.

Pa cu esaki e siguiente paso concreto pa sigui ta, sinta cu e stakeholders tanto na Aruba y
Corsou pa asina articula un grupo di trabou. Dicho grupo di trabou lo keda encarga cu e
realisacion di e diferente aspectonan legal cu mester wordo implementa pa e proyecto di
Fast Ferry por bira un realidad. Ta papia aki di e stakeholders di Gobierno y Sector Priva
di tanto Aruba como Corsou, cu mester bini hunto y crea un vision mas amplio y
concreto pa yega na un manera mas pragmatico pa trece un Fast Ferry den servicio.