Page 43 - MIN ECEM

6 AWEMainta Dialuna, 25 September 2017

Awe Gobernador ta cuminsa cu su ronda di consulta

DESPUES cu diasabra ultimo, Gobernador Alfonso
Boekhoudt a haya e resultado pre-eliminar for di Presi-
dente di Conseho Supremo Electoral, mr. Glenn Thode,
awe e lo cuminsa cu su ronda di consulta.
Pa awe mainta 10’or Gobernador lo recibi Presidente di
Parlamento, drs. Mervin Wyatt Ras, sigui pa 11or, Presi-
dente di Raad van Advies.

Den oranan di merdia, Gobernador lo reuni cu e lidernan
di e partido politico cu a haya asiento, cuminsando pa 1
or cu Mike Eman, pa 2 or e lo recibi, Evelyn Wever-Croes,
3 or e lo reuni cu Otmar Oduber y como ultimo, pa 4 or
e lo topa cu Ricardo Croes.

Diamars lo ta un dia mas pisa, unda for di 9or di mainta,
Gobernador lo reuni cu Ursell Arends, sigui pa 9.30’or cu
Candelario Wever, pa 10’or lo ta na turno Cristina Lampe,
pa 10.30 lo reuni cu Holmo Henriquez.
Pa 11.15 lo reuni cu Presidente di Banco Central di Aruba.

Despues di 12’or di merdia ta sigui pa 1’or cu Director
di Finanza, sr. Werleman, sigui pa Director di APFA, sra.
Shelia van Veen pa 1.45. Pa 2.30 Gobernador lo reuni
cu Director di AZV y pa sera e dia aki, lo ta pa 3.15 cu
Director di SVb, ing. Edwin Jacobs.

Diarazon e ronda lo cuminsa cu Presidente di ATIA,
Ronald van Trigt pa 9.45, sigui pa 10.30 di Mediador di
Gobierno, Anselmo Pontilius, y pa sera e dia aki, cu ex-
Gobernador Freddy Refunjol.
Maske e demas dianan no tin menciona e reunionnan cu
Gobernador Boekhoudt lo tin, pero sigur falta e.o. Presi-
dente di KvK, Presidente di AHATA, Algemene Reken-
kamer, ta algun institucion cu no a ser menciona ainda.