Page 21 - CMB
P. 21
Dialuna, 12 Maart 2018 AWEMainta 19
Aruba Bank a contribui cu comunidad di Aruba
Un ekipo di boluntarionan di Aruba Bank
a mustra nan creatividad den Aruba Doet
E aña aki un biaha mas Aruba Bank a participa den e
proyecto di Aruba Doet. Aruba Bank a bay tres caminda
cu empleadonan boluntario, y ademas a haci un dona-
cion pa asina yuda drecha e luga. Aruba Bank a yuda
na Scol Basico Washington, Scol Caiquetio y Centro di
Bario Dakota.
Na Scol Basico Washington e boluntarionan a traha
riba e proyecto di upgrade e speelplaats y “relaxation
garden”. Aki tur hende tabata yuda otro pa drecha e
area pa asina e muchanan por sigui disfruta di esaki
durante pauze. E otro grupo di boluntarionan tabata na
Centro di Bario Dakota, unda nan tabata verf e Centro
di Recreacion. Haciendo esaki tanto e muchanan como
adultonan por disfruta di un centro di Recreacion reno-
ba y bunita.
Aruba Bank a contribui cu un aporte financiero na Scol
Caiquetio pa asina yuda realisa traha e speelplaats p’e
muchanan por disfruta di esaki.
Aruba Bank ta gradici tur boluntario cu a yuda na e
scolnan y e centro pa asina haci e muchanan contento.
Aruba Bank ta contento di por a participa un biaha mas
den Aruba Doet, unda nan ta duna bek na comunidad
di Aruba. Tur boluntario a pasa un momento agradabel
durante e proyectonan di Aruba Doet.
