Page 31 - EXTRA14NOV2015

Djasabra 14 Novèmber 2015 31

Un empresa eksitoso ta unu ku ta satisfasé klientenan pa medio di un team
fuerte, ku ta yuda klientenan haña solushon pa nan nesesidatnan, spar sèn, i/
òf eksperensiá mas plaser. Esei ta nifiká focus mas riba yuda otronan pa realisá
nan metanan.

E siman aki nos ke kompartí algun tip i tool kon abo komo empresario por
logra éksito dor di empower otronan. Pa hasi esaki tin 5 elemento importante
pa tene na kuenta:

1. Mantené bo vishon. Hopi empresario ta logra stipulá un vishon, pero
tin hopi ku no ta logra mantené e vishon den tempu bon i tempu ménos bon.
Nan ta tene nan vishon pa nan mes i no ta kompartí esaki ku nan trahadónan.
No ta komuniká e vishon di un forma efektivo i kontinuo na tim di trahadó i
klientenan. Keda mantené bo bista fihá riba bo vishon;

2. Edifiká bo trahadónan. Duna bo trahadónan hèrmènt, outoridat, i
motivashon pa hasi e trabou. Lo bo keda sorprendé di e nivel di prestashon ku
nan lo brindá bo. Pèrkurá ku e esensia di bo influensia ta ‘pull’ i no ‘push’. Wak
e trahadó pa e loke e ta, realisá kiko e por i lo por logra si abo yud’é pa alkansá
metanan.

3. Walk the talk i hasi e trabou. Mayoria ‘startup’ ta kuminsá komo un ‘one-
man show’ ku segun tempu ta pasa ta desaroyá i bira timnan di hende, ku mester

tene kontakto ku kliente i provedornan. A konsekuensia di
e kantidat di trabou i stress, demasiado empresario
ta isolá nan mes i ta laga di ta ‘hands-on’ segun su
kantidat di trahadó ta oumentá. No lubidá ku bo
mester ta un mentor banda di ta un líder.
4. Para pa algu. E loke bo ke realisá,
bo ta logra mas pa medio di e loke bo ta i bo
ta hasi. Un hende su kapasidat i karakter
ta e loke ta mas importante. No pretendé
di ta eksperto riba tur tereno. Para pa bo
“core business” i “outsource” e loke no ta
bo kompetensia.
5. Kompartí liderazgo. E mihó forma
pa bo oumentá bo nivel di lider ta di pasa esaki
tambe pa otronan. No keda pensa ku ta abo
so ta importante. Duna otronan espasio pa
ta lider den nan área di ekspertisio, i lo
bo nota kon bo forsa lo ekspandé.

Segun negoshi ta desaroyá,

bo mester amplia bo focus mas leu ku solamente e

focus riba bo mes. Bo mester motivá bo tim i purba pa bo empresa realmente

ta di balor agregá pa bo klientenan. Hasiendo esaki abo ketu bai ta importante,

pero e asuntu no tokante di abo so mas.

Un fayo ku hopi empresario ta kometé ta di mustra otronan kon interesante

nan ta. No tin duda ku bo ta un persona fasinante. Bo a sa kon pa inisiá un

negoshi ku a kuminsá for di nada i bira algu. Bo a hasi hopi sakrifisio pa hasi

bo soñonan realidat. Pero bo negoshi mester por remplasá bo. Awendia mantené

bon relashon ta hopi mas importante ku ántes. E mihó forma pa bo logra ku bo

kliente ta keda unu fiel, ta di hasi tur loke ta na bo alkanse pa e kliente sinti ku

é ta importante. No ta bai pa kon spesial abo ta, pero kon spesial abo por hasi

otronan.

Kiko bo a hasi pa bo tim i bo klientenan último tempu? Kiko bo a hasi pa laga

bo managernan sobresalí durante aña?

Pa mas detaye relashoná ku e tema aki tuma kontakto ku nos sin kompromiso.

Por pidi tambe GRATIS un kopia di nos rapòrt ‘E tòp 5 erornan mas kostoso di

‘Modern Human Resource Leadership’. E-mail: info@kibrahacha-hr.com. Bishitá

Facebook/Kibrahacha HR. Like nos page i share nos postnan.

Pa un sita yama nos na 767-0907, 512-9351 òf 696-8159.