Page 33 - EXTRA14NOV2015

Djasabra 14 Novèmber 2015 33

DOUBLE CHOCOLATE CHIP!

Amiguitunan ke tal. Awe tante ta bai duna boso un reseta pa bo siña
traha e famoso kuki, Double Chocolate Chip Cookies.

Pa traha kuki bo mes ta masha leuk mes. Pero kòrda ku miéntras bo
ta hasiendo esaki bo mester pruf pa asina wak si bo mansa ta dushi i
no lubidá pa pidi mami of papi of welita of un hende adulto pa yudabu
durante e proseso. E kukinan aki ta masha dushi mes. Pero bo por
kombin’é tambe ku chukulati di smèlt of eiskrim di vania.

KIKO BO MESTER?
50 gram di manteka
200 gram di chukulati puru (70% cocoa)
1 bleki di 400 gram di lechi kondèns
25 gram di amandel garná
2 telep di ovomaltine
200 gram di hariña
100 gram di chocolate chip
50 gram di chukulati blanku
KON NOS TA TRAH’É?
Smèlt e manteka i e chukulati den un panchi riba kandela abou i
keda drai esaki te ora e meskla bira sòft. Preferibel laga un persona
adulto yudabu ku esaki. Despues bo ta kita e panchi for di riba kandela
i bo ta kue e bleki di lechi kondèns, e amandelnan i e Ovomaltine i bo
ta meskla tur huntu ku e manteka i chukulati ku bo a smèlt. Sefta e
hariña e pone djis un tiki salu i meskla tur kos huntu i laga esaki para
pa 20 of 30 minüt den frishidair (no mas largu). Despues bo ta pone e
chocolate chip i e chukulati blanku huntu ku e meskla ku bo a laga den
frishidair i drai tur kos huntu pa e meskla keda bon.
Sende e stof te 170 grado Celsius. Parti e meskla den 24 bolita chikitu
kasi mesun grandi ku un bala di gòlf. Si bo no ke hinka nan den fòrnu
mesora. Bo por vris e balanan aki tambe i usa nan despues. Hinka e
balanan di chukulati den fòrnu i lag’é keda 12 minüt eiden of te ora
e ta tai paden. Sake a baki di fòrnu i lag’é para pa sinku minüt pa e
kukinan fria un tiki.
Si bo ke duna bo kukinan algu èkstra, pone eiskrim riba dje i kome.
Sino miéntras e ta fria basha chukulati di smèlt ariba. Disfrutá di dje.
Manera tante a bisa, korda laga un adulto yudabu. Pero ata algun
teps mas:
Si bo ta gusta yuda den kushina of traha kosnan di boka dushi, ta
importante pa bo sa kon pa bo keda safe. Bo mester mantene kushina
limpi tambe i sa kon pa usa e kosnan den kushina.
BO ASISTENTE
Mayoria biaha un chef profeshonal tin un asistente pa yud’é. p’esei
bo tambe mester di unu i un adulto ta perfekto pa hasi

esaki paso e sa mas mihó.
Promé ku bo kuminsá traha riba bo reseta, pidi

pèrmit di un adulto. Si bo reseta ta usa kuchú i
stof of kualkier otro opheto pidi yudansa. Algun
kos ta mustra fásil pa usa, pero ora bo mes hasi
esaki bo por ripara kon difisil e por bira. Dor di
tin bo asistente ront bo ta evitá kualkier sorpresa.

Promé ku bo kuminsá e
reseta sòru pa bo les’é i
pa bo ta sigur ku bo tin

tur ekipo i ingrediente
nesesario.
Otro siman tante
lo tin algun reseta
mas i algun tep pa
ora bo ta traha den

kushina!