Page 3 - AM221222

Diahuebs, 22 December 2022 AWEMainta
Localnan critico riba puntualidad
den transporte publico na Aruba
ecientemente Universidad di Aruba a entrega na Minis-
R ter Ursell Arends, y a duna un relato tambe, di e estudio
haci riba transporte publico aki na Aruba. Tin cosnan intere-
sante cu a bini dilanti. Entre otro e malcontento cu ta existi
pa cu Arubus.
Transporte ta esencial pa economia di Aruba y su comun-
idad, y movecion ta fundamental no solamente pa e ciudada-
nonan local di e isla pero tambe ta di vital importancia pa
e industria di turismo. Cu e estudio aki kier a determina /
raporta riba e actual situacion di transporte publico y evalua
si e permisonan duna ta cumpli cu e demanda di turista
y localnan. Ta importante pa conclui si e ta suficiente pa
cumpli cu e demanda di e usuarionan.
E dependencia grandi di Aruba riba turismo ta exigi regu-
lacion, y e estudio mester determina si e actual maneho y
proceduranan ta contribui di un forma positivo na e mescla
corecto di permisonan, y contribui na e calidad general
di servicio, manera turista y localnan ta percibi esaki.
Comprondiendo e politica ey y procedura ta critico pa yuda
sigura satisfaccion di usuarionan local y bishitantenan di e
transporte publico.
Loke cu a haci e estudio aki mas dificil ta cu no tin uno haci
anteriormente, cu ta establece e fundeshi pa cualkier futuro
investigacion.
Ta importante pa menciona cu e uzo di bus den transporte
publico (Arubus) a bin ta bahando den forma steady, for di
2.1 miyon pasahero na 2010 pa 1.8 miyon na 2019. E hipo-
tesis ta cu esaki ta pone mas presion riba otro tipo di trans-
porte, incluyendo autobus y taxinan. E aumento den autonan
di pasahero (33.2%), transporte iregular (9.2%), Busnan di
Tour (247.9%), Taxi (25.5%), V-car (38.4%) for di 2015
versus 2022, ta increibel. Esaki ta pone mas presion den
trafico pa trahadonan di transporte publico y pasaheronan,
y pa haci un comparacion por bisa cu na Corsou (444 km2)
tin un total di 151,066 habitante, y un total di 538 auto di
pasahero pa cada 1000 habitante (2019) y Aruba (180km2)
tin un total di 685 auto di pasahero pa cada 1000 habitante.
Bayendo bek riba e parti di uzo di busnan, den e estudio
a keda expresa cu 60% di e localnan encuesta ta haya cu
busnan no ta unda nan mester ta na e orario specifico. Esaki
ta mustra un falta di consistencia den e metodo di trans-
porte.
En general localnan tin sentimentonan mixto pa loke ta trans-
LOCAL 3
porte publico. Localnan ta uza bus y autobus den su mayoria
pa transporte. E satisfaccion pa e tipo di transportenan aki
ta mustra un resultado neutral cu 18% no satisfecho y 25%
satisfecho / hopi satisfecho. Pa loke ta e tournan, 23% di
localnan no tabata satisfecho cu nan. Bayendo riba e parti di
taxi, 25.2% di esnan encuesta (local) no tabata satisfecho
tampoco. Pa loke ta calidad di servicio, localnan a husga
como esnan mas malo e autobusnan chikito cu 29.5% no
tabata satisfecho, 3 di cada 7 persona encuesta. E calidad
di servicio na companianan cu ta huur auto si a duna bon
resultado cu 5 di cada 7 persona (47.3%) bisando cu nan ta
satisfecho cu e servicio.
Localnan ta percibi tambe cu taxinan ta basta bon na
tempo, sperando entre 6 pa 10 minuut pa yegada di un
taxi. Solamente 12.7% a bisa cu nan ta wordo recogi den
0 pa 5 minuut y mas cu 26.9% a bisa cu nan no ta haya un
taxi prome cu 15 minuut. Mas cu 60% di localnan a bisa cu
busnan ta menos 50% biaha na tempo. En general e orario
di bus y autobusnan no tabata bon of consistente. Mayoria
di esnan encuesta, esta 68.5%, a afirma cu otro medionan
di transporte mayoria di bes no ta na tempo.
En general, mayoria di e localnan a percibi e transporte riba
e isla menos cu modera, mas inclina pa e pobernan.
E tema mas importante pa e local pa loke ta transporte tabata
e relacion di calidad compara cu prijs, e siguridad y limpiesa.
E temanan menos importante tabata e calidad di servicio y e
prijs. E principal diferencia entre local y turistanan ta cu pa
e ultimonan aki puntualidad ta mas importante cu limpiesa.
Localnan ta uza busnan den su mayoria mainta tempran for
di 6’or pa 9’or di mainta (29.4%), probablemente pa yega
trabou, y for di 12pm-3pm (19.7%) posiblemente pa un
cambio den transporte.