Page 12 - MIN SOC 12jan,2016

PAGINA 28 DIARIO DIAMARS 12 JANUARI 2016

Comentario

Actitud
robes y falta

di calidad
humano!

Pa Mercedes A.H-Monge

Ayera atardi prome cu mi a
baha for di bus den e bushalte
dilanti Certified, mi a scucha
un pareha Venezolano puntra
si eynan nan tin cu baha pa
bay Super Food.
Hende local cu tabata bayendo
nan trabao den area di hotel,
a contesta nan cu si, y ora e
pareha a baha nan a haci man-
era ta cos pret nan a haci.
Ora mi por a baha despues di
a pidi despensa na esnan para
den gang, ya e pareha a cana
bay un tiki leu buscando Super
Food.
Mi a dicidi di sigui nan te ora
mi por a haci seña cu nan, pa
bisa nan cu nan ta basta leu
for di Super Food. Mi no ta un
santo ni mucho menos, pero si
mi a haya duele di nan, pasobra
pa prome tabata haci un calor
tremendo y masha bon nan por
a wordo bon informa y den e
mesun bus nan por a baha den
e lugar cu tin mas cerca cana
bay te e supermercado.
Nan a puntra mi sin algun su-
permercado eybanda cu tin e
calidad di Super Food, y mi a
menciona nan cual ta e super-
mercadonan cu tin den e area
ey cu realmente ta bende prac-
ticamente mesun cosnan.
Nan a yega di tende e nomber
di un di nan y mi mes a cana
cu nan te mas cerca posible.
Mi no ta Arubano, pero mi
tambe a siña manera den mi
pais di origen y si algo mi a
gusta semper di Aruba ta e
amabilidad di e mayoria di su
hendenan.
Personanan manera esun cu a
laga e pareha baha for di bus
cu un informacion robes, no
a actua manera un Arubiano
bon educa, cu mi ta kere ta e
mayoria sino como hende xe-
nofobico.
No pasobra e dos personanan
aki (cu mi a bin scucha a yega
den crusero) ta Venezolano,
merece pa wordo trata asina
aki y menos haci bofon di
nan.
Cu tin biaha mi mes a yega di
critica e actitud di un ke otro
bishitante Venezolano ta ber-
dad, pero esaki ora tin motibo
di critica, no asina sin mas.
Pero hende cu falta educacion
tin tur caminda di mundo y
pa prueba un boton: esun cu a
laga nan baha den lugar robes
ta un muestra cu lamentable-
mente na Aruba tambe tin.
Lastima! Un actitud robes y
falta di calidad humano no ta
un caracteristica di e mayoria
di hende Arubiano, y si mi
por a mira bon e uniform cu e
persona tabata tin bisti, lo mi
a yama su lugar di trabao pero
mi no por a saca esey afo.