Page 48 - KPA_Neat
P. 48
Persecucion tras di skyline
despues di ladronicia grandi di
whiskey
14 July, 2017
0
Diabierna den careda di 5 or mainta autoridad a keda informa cu tin hende ta
hortando na Knippo food center na Cura Cabay y un skyline tambe a sali for di
eynan. Patruya riba caya den e area a topa cu un skyline Savaneta bayendo
abou y polis a core su tras mientras tabata warda resfuerso yega.
Asina a cende zwaailight y sirena wak si e chauffeur ta para pero nada. A start
un persecucion cu a pasa caminda di Savaneta, Jara y termina banda di e veld
di San Luis. E homber tras di stuur a core drenta mondi sconde pa autoridad.
Mientras a keda un hende muhe atras y Polis a detene.
E auto a keda tuma den beslag y a haya algun cos cu lo por ta pertenece na
ladronicia. Na e supermarket Knippo e doño a haya falta di mas cu 50 caha di
whiskey mas otro alcohol. Ladron a drenta via di dak y corta curpa. Ta mustra
cu lo tabatin mas cu un auto envolvi debi cu den e skyline no a haya e
alcoholnan.
