Page 49 - KPA_Neat
P. 49
Un persona a keda herida den accidente na Koyari
Friday, 14 July 2017 11:16
1
Comparti
Diahuebs, pa mas of menos 6’or y 40 di atardi, patruya di Noord y polis di trafico, a wordo dirigi riba e caminda di
Koyari pa un accidente cu a sosode entre un truck di carga y un Audi.
Na momento cu polis a yega na e sitio, nan a nota cu tabata tin un auto cu tabata te paden di un mondi. A tuma
datonan di loke a pasa. Despues di basta rato, investigando con e accidente a tuma luga, polis a conclui cu e truck di
carga color blanco, bayendo direccion nort, a pone señal pa bay lora na su man robes, el a nota un auto biniendo tur
cu tin y a pase na caminda. E truck no por a evita e impacto y a dal contra di e auto di marca Audi, color shinishi,
numera A-33754. Chauffeur di e auto a resulta cu un kap na su cabes y tambe el a herida su brasa drechi. Ambulance
a presenta na e sitio y a duna e chauffeur asistencia medico. Na momento cu polis a bay check pa e documentonan
necesario di e auto, a nota cu e Audi no tabata tin nada riba dje y tambe e number di auto no tabata cuadra tampoco.
Ambulance a transporta e herido pa hospital, mientras tanto cu takelwagen a hiba e auto na warda di Balashi.
