Page 37 - Djaluna 9 aprel 2018.pdf
P. 37
Djaluna 9 Aprel 2018 37
Scouting Antiano
ta organisá Beaveree
WILLEMSTAD.-
Djasabra último dia 7 di
aprel Scouting Antiano a
organisá Beaveree.
Beaveree ta un
aktividat spesialmente pa
Bevers, kual ta e skoutnan
di mas chikitu den e edat
di 5 pa 7 aña. Na kada
Beaveree ku organisá tin
un tema i e aña aki e tema
tabata “Sneeuwitje en de
zeven dwergen”. Tur Bever
i nan lidernan a bisti na
kabouter i un lider a bisti
na Sneeuwwitje. Hinter e
evento tabata basá riba e
kuenta di ada aki.
Durante e aktividat di
Beaveree aki e beversnan
a kana den grupo ku nos
ta yama Hòl i bishitá kada
pòst di spèl ku tabatin.
Kada wega a dura 15
minüt. Tur grupo di
Scouting Antiano ku tin e
departamento di Bevers a
risibí e enkargo pa harma
un pòst di spèl pa e dia
aki.
E evento aki a tuma
lugá na e clubhuis di
grupo Peter Stuyvesant,
ku ta keda banda di vèlt
di Suvèk.
E Bevernan i nan
lidernan tabatin un
tremendo mainta i ya nan
ta spera riba e siguiente
aktividat di Beaveree
pa sigui siña i gosa loke
Scouting Antiano tin di
ofresé na nan, trahando
riba diferente área di
kresementu.
Pa mayornan interesá
pa laga nan yunan drenta
Scouting por yama
na 737-4765 pa mas
informashon.
